家居隔離

【家居隔離日誌】爸爸快測確診 媽媽及BB可以點自救?11日完整紀錄一覽!

(家居隔離日誌:2022年2月25日至3月7日,更新完畢)
係呢個年頭,每日都幾萬宗確診,中其實真係遲早既事🤦🏻‍♀️ 說時遲那時快,爸爸就中左😫 今次就想記錄下家居隔離可以點自救💪🏻
 
25-2-2022
爸爸開始有幾聲咳,之後我同爸爸都即時做快測,但兩個都係陰性➖,而爸爸都有食定必理痛打底
 
26-2-2022
爸爸今日要返工,佢返工之前要做快測,發覺測左兩次都係兩條線➖➖,瀨左野!我地即刻開始家居隔離,用1比99消毒屋企,爸爸全日戴口罩,將卡樂b同爸爸分開(包括分房訓),將傳染風險減到最低。爸爸第一日確診,病徵唔算多,都係頭痛喉嚨痛攰個d。
家居隔離家居隔離
27-2-2022
爸爸第二日確診,佢今日個病徵就多左好多,又發冷又有頭痛喉嚨痛攰個d,佢話真係好辛苦😔而係晏晝既時段,我都開始有幾聲咳😳我即刻食必理痛打底。
家居隔離家居隔離
28-2-2022
係凌晨個陣,我摸到卡樂b好熱,我開頭以為係咪我幫佢冚得太多被,我拎開d被之後佢都仲係異常地熱,咁我即刻用探熱器幫佢探,但又好死唔死個探熱器唔多準🙄激死。之後我地開左d藥比佢食,但好似唔多有效,所以佢全晚都訓下醒下🥲而我都係凌晨開始有d喉嚨痛,朝早個陣更加發冷添🤦🏻‍♀️一家三口一齊病真係好攞命!但好彩既係爸爸今日好返9成(雖然仲係陽性),可以幫手照顧下我地😔
家居隔離
之前我地幫呀仔買左保險,諗住帶佢去私家醫院/醫生度睇,因為呀仔第一次病,我地唔多知應該點處理😖但保險經紀既答覆係寧願係屋企都唔好去醫院,因為醫院係唔會收輕症。(其實都明既,而家醫院咁爆,政府又咁有”能力”😏不如靠自己好過。)


👇🏻即睇影片👇🏻

 
1-3-2022
本身我以為係琴日同呀仔沖完涼著衫個陣攝親,所以先搞到佢發燒,因為琴日我地check過,我同呀仔都係陰性的。好彩既係琴晚呀仔已經退左燒😌生猛返曬,可以周地爬由玩,不過我同呀仔就有d咳同痰咁。之後我地今日再check,先發現原來我同呀仔都係陽性➖➖。咁變相既係我地一家三口都瀨左野🤦🏻‍♀️。其實我地三個精神上仲算ok既,咁爸爸既病又到左尾聲,所以我地三個都係得咳同痰咁,但我地反而要留意下呀仔會唔會再發燒咁囉。
 
2-3-2022
今日係確診既第二日,今次呀仔食個d藥係成藥來既,因為之前手多掉左健康院開比呀仔既藥水🤦🏻‍♀️,亦都好彩我地預先買定,所以今次呀仔先有藥食。今日我就暫時得喉嚨痛同聲沙,呀仔琴晚就鼻塞塞醒左幾次,其他暫時都ok既。呢幾日既病徵其實同感冒差唔多,所以個處理方法都係飲多d水💦,休息多d😴,比多d時間空間個身體去回復,咁其實就好快好架啦。
 
3-3-2022
今日係確診既第三日,我地既情況已經一日比一日好,都真係要等佢自己慢慢好返既。但我就反而想分享下我地既物資…
因為本身我地係用網購去買餸,所以我地好少會網購新鮮野,新鮮野我會直接去街市買,所以我地屋企有好多罐頭呀麵呀乾糧呀,而雪櫃應都有好多冰鮮既食物,就算我地突然確診左無得出去買餸,我地都仲有食物去捱過家居隔離既日子。



今期成功配對英文補習個案,即送你$50 Muji coupon及有機會贏走Doughnut Pyramid Gamescape Series乙個(價值$550),請申請英文補習個案時輸入個案優惠碼「PSG」,得獎者將於有輸入優惠碼的英文個案申請導師中隨機抽出。

👇🏻即睇影片👇🏻

 
4-3-2022
確診第四日了~
我地既情況都係同早幾日差唔多。雖然要家居隔離無得出街,但都唔可以偷懶唔做運動架!所以我就book左online瑜珈班,郁動下🧘🏻‍♀️
我預計呢個確診記錄會記到6號,因為爸爸如果呢2日都係陰性既話,7號就要返工,所以就以呢一日做終結啦。
 
5-3-2022
今日係確診既第五日。
咁我地既情況都係同之前一樣,都係愈來愈好!最緊要休息多d,休息多d就好快好架啦!
 
6-3-2022
今日係確診既第6日,今朝我同爸爸都做左快測,係陰性的🎉但我就仲差少少,可能要等多幾日?先可以陰性…
 
7-3-2022
今日係7號!爸爸今日都要返工嚕~ 我地個確診記錄就到止為止啦!因為我地個生活都開始回復返正常了。
係今次確診既期間,我地要多謝我地既親朋戚友,甚至網友!因為佢地好關心我地既情況,每日都問我地最新狀況係點,會唔會好辛苦,尤其是卡樂b,因為個個都好擔心佢,所以真係好多謝你地既關心❤️
除此之外,亦都麻煩曬上來送藥同日常用品比我地既朋友仔,因為我地真係住得太遠太山卡啦,所以真係麻煩曬你地🙇🏻‍♀️

即日起至2023年7月1日,以優惠碼「ZS」成功註冊尋補私補導師,於Zenyum網上購買任何口腔護理產品即享有半價優惠! (優惠領取方法會於完整註冊後彈出視窗出現)

👇🏻即睇影片👇🏻

 
今次就去到呢度先啦~
另外亦都十級強力建議大家去埋我其他既social media度睇下啦,會睇到我地同bb互動既小片段的🤪
 
延伸閱讀:
【小朋友確診】兒童染上新冠病毒?確診病徵/處理方法/後遺症一覽
【BB確診新冠肺炎】要入院隔離治療點算好?整合5大重點!
【BB確診】出院後酒店隔離攻略 準備物資/BB食物/注意事項一覽
 


--------------------
👼🏻現正招募「親子Blogger」!你都想分享育兒資訊?
立即將1️⃣筆名、2️⃣FB/IG/Blog page及3️⃣個人簡介 send俾我哋!
按此👉🏻Email
按此👉🏻Whatsapp
記得註明【申請做親子Blogger】,可能下一篇就係你嘅文章啦!😍
--------------------

*此文章由 Blogger個人/編輯團隊 分享並僅供參考,意見及內容並不代表本網誌立場,Tutor Cricle 尋補 對信息或內容所招至的損失或損害,不會承擔任何責任。


尋補?Tutor Circle!

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

留言