【最驚要Presentation】令Present成功嘅技巧大揭秘！

Post author:城大小薯仔
Post category:學術資訊
Post published:2019-01-01
Post last modified:2023-07-28

係中學嘅時候，present嘅機會可能比較少，但入到大學，之後出黎做野，有好多時間都會需要present，例如係project presentation、event proposal 等等，但點樣先可以做到一個成功嘅present呢？依家Tutor Circle尋補略略話你知啦！

1. 魔鬼在細節

小編有讀一啲公關 (Public Relations PR，人稱關公) 嘅course，成日強調人可以好膚淺，俾外貌影響左你嘅睇法都唔知〜當然唔係話要你生得好靚仔/女，而係你有無一個整潔、sharp醒、配合場合嘅外表！例如係你當日係咪油頭粉面，啲蔭有無遮住晒對眼，係咪著到去yo咁去present。所以就算唔係對要present要求好高嘅course，都可以著得整齊啲出現，at least 展現你有心去present，而要求較高較 formal嘅present，就可能要著翻smart casual，女仔可以係黑色連身裙/恤衫加長褲(無爛個種)同平底難。
男仔就恤衫長褲同皮鞋，主要都係淨色為主！有時係一組人嘅present，仲可以配合翻present主題夾埋顏色，成組靚仔靚女出場，上次小編一組仲特登整左個襟章印住project present個項目嘅logo〜professor就好滿意加分了，俾人感覺好啲，present都聽得開心啲啦 d(`･∀･)b
present 技巧

2. PowerPoint 稿件只是配角！

Present多數都會係整埋個PowerPoint (PPT)，但話明係present，要有人講野，就當然係講者做主角，聽你講野為主，如果唔係你交個好多字嘅PPT俾人睇咪得，係咪先？所以PPT切記唔好成篇文打落去，而係只落重點，俾人望到你大概想講咩，而你就要負責清楚解釋列係PPT上面嘅要點係咩一回事！
亦都有好多人會寫定稿出去present，但千其唔好望實PPT同份稿照讀！都係個句，照讀不如我直接睇係咪？加上唔照讀都可以多啲eye contact同gesture嘛~PPT係配角，都係工具，例如可以放多小小圖表、數據俾人參考〜係講到個part嘅時候指翻去個啲圖，就清唽好多了
present 技巧

3. 如何引人入勝？

Present除左係你講之外，都希望有人聽〜其實講者都有技巧引人去聽嘅〜最好就係由開頭入手，係最基本嘅打招呼後，可以用令聽眾involve多啲嘅方式入題，例如係問下大家小問題，做下quiz，最重要係你知道佢地嘅答案，或者係互動，會係你想要嘅答案，亦都會有利你之後present嘅內容先好問喔
或者你都可以提出一啲好貼身嘅日常例子，可能每個人都會經歷過嘅，去引起人嘅注意同共鳴，從而會focus或者更加投入聽你講野咁你就攞到個機會大展所長啦！最後完結前都可以做一啲呼籲或者再強調present嘅重點，令人對你present想帶出嘅重點更深刻，present就perfect池了〜可以參考下TED。
present 技巧

【延伸閱讀】香港補習老師 – 我們都需要補習嗎？
【延伸閱讀】日本研究出路 – 為興趣讀完出黎可以做乜野？

此文章純屬 Blogger 個人分享，並不代表本網誌立場。