呢個月忙到個頭冒煙超級無敵辛苦，終於settle好新居！喺疫情下可以順利搬屋呀b健健康康已經好感恩🥰

BB學行記錄

呢一個星期因為忙執屋又大塵，呀b住喺婆婆屋企，婆婆屋企地方大，驚覺呀b成長快左好多！呢個星期呀b成日周圍爬，由客廳爬到主人房，仲識爬枱底，仲會逐間房拍門要不同人陪佢玩🤣有時公公婆婆會拖住呀b喺走廊行，而家拖住一隻手行已經可以了，仲識扶住行得好快，仲可以自己行到兩步！

小jasmine十個多月大是學走路的時間，感慨而家香港疫情下想找一個讓小朋友正常健康成長的環境都好難，好想帶呀女到公園、郊外走走，但又怕外面多人危險小jasmine仲細帶唔到口罩，原來一家人郊遊喺而家嘅香港已變成奢侈😞我幸運地娘家家中有地方可以讓小jasmine 四處走走🥺

BB無得上Playgroup做咩好？

幾個月前仲苦惱幾大上playgroup好，而家連苦惱機會也沒有了，小朋友日日困在家，無得同其他人接觸，又唔敢上其他小朋友家中玩，其實大大影響小朋友的身心發展😞呢個星期我兩個妹和公公婆婆日日同小jasmine玩和傾計，呀b性格變得更開朗活潑，好喜歡笑，同好多野講🤣令我感慨接觸多啲不同人真的對小朋友性格成長上好重要！

總結

以前好簡單的小事，一家人出外走走、食飯，而家喺香港已變成奢侈了，疫情沒完沒了，不知道何時呀b可以番學，何時可以再一家人出外食飯🥺😞
 
延伸閱讀：
【抗疫親子活動】同小朋友日日喺屋企？4個在家活動分享！
【在家抗疫】10大親子活動及兒童學習資源推介！
【家長心聲】小朋友提早放暑假 子女出街vs在家抗疫成兩難？

－－－－－－－－－－－－－－－－－－－－
👼🏻現正招募「親子Blogger」！你都想分享育兒資訊？
立即將1️⃣筆名、2️⃣FB/IG/Blog page及3️⃣個人簡介 send俾我哋！
按此👉🏻Email
按此👉🏻Whatsapp
記得註明【申請做親子Blogger】，可能下一篇就係你嘅文章啦！😍
－－－－－－－－－－－－－－－－－－－－

留言