如果媽媽們同我一樣都係全職媽媽，都係自己湊無人幫手，但bb又黐身，有時真係想放低bb偷d時間去做下家務食下飯去下廁所都唔得🤦🏻‍♀️所以我就諗究竟有d咩用品/方法係可以幫到我架呢？我就發現到係bb唔同階段都會有一樣野係特別幫到我手，可以幫我安撫住卡樂b一段時間，等我可以抽身做其他野。
 

媽媽抽身妙法 1. 搖搖椅

首先係卡樂b未坐穩之前，我就用搖搖椅。搖搖椅左右搖擺，bb訓左上去之後個感覺就好似媽媽抱住郁咁，而我地個張搖搖椅仲有得播埋音樂，有歌又有得郁，卡樂b真係可以係搖搖椅度坐好耐🙈有幾次仲訓著左添😂

媽媽抽身妙法 2. 餐椅

到卡樂b識坐但未識爬既階段，搖搖椅再滿足唔到佢，要退役了。呢個時候就係餐椅上場既時候。自卡樂b識坐個陣，佢就好鐘意坐係餐椅度抖下睇下野，可能覺得訓係度只係望到天花板，好悶😂所以有時我會放佢係餐椅，比佢睇下電視聽下歌，佢已經好滿足☺️

媽媽抽身妙法 3. 學行車

終於都到識爬學行既階段😮‍💨卡樂b再不甘於坐係度/訓係度，佢要郁！要探索屋企！所以佢好鐘意坐係學行車度行，因為學行車可以輔助佢移動，佢一行可以得個幾鐘😂

總結

以上3樣野就係我呢10個月湊卡樂b個陣常用又幫到手既物品來😌(話咁快就10個月，時間過得真快😳)
今次就去到呢度先啦~ 另外亦都十級強力建議大家去埋我其他既social media度睇下啦，會睇到我地同bb互動既小片段的
 
延伸閱讀：
【育兒好物推介】BB衫慳錢大法+平價換片床推薦！
【初生BB】未戒夜奶好難捱？過來人分享7個深夜湊B貼士
【外傭湊B】如何留住工人姐姐的心？4個溝通相處小貼士

Frida Lee

一個90後/鐘意拍片/貪靚既新手媽媽。歡迎係IG • FB • YouTube搵我啦~

留言