商科，上至三大，下至FD都會開嘅學系，咁究竟全港最勁嘅商學院係邊間呢？HKU？CU？答案係UST啊。唔好睇UST個名叫做科技大學，其實講起business佢地先係全港最勁。（p.s.只按排名計算）三大入面UST B&M係全球個名就最響。以下就等Tutor Circle 尋補黎簡介一下JS5300: HKUST Business&Management啦。

1. 收生人數

科大商學院係2016同17年嘅收生人數係435人。但係去到2018年就急跌去到350人。減收學生嘅原因可能係科大商學院希望係DSE考生人數下跌嘅情況下，依然保持番學生嘅質素。而去到2019年，預計收生人數則微升至365-375人，所以請各位考生加油啦。

2. 科目比重

JS5300呢科係計英文+數學+最佳四科，而英數計分係會乘2。原因在於商科人需要一口流利嘅英文之餘，商學院都要學埋計數。冇M1/M2背景嘅同學入到去就會自動分左去take MATH1003，而有讀過M1/M2嘅同學呢就會分左去讀MATH1013，要留意嘅係有部分major會一定要讀左某個數學course先揀得，如果想揀但pre reg又唔係1013嘅話就要搵advisor叫佢幫你搞喇。
想入UST但數學好差點算好？

數學究竟點讀先高分

3. 入勁major

想入GBUS、QFIN呢啲神科，DSE最少都要有30分。DSE失左手又或者力有不逮嘅話，你仲有機會！！UST B&M係school-based嘅，入到去讀完一年再揀心儀嘅科目做major，希望同學可以簡單了解一下各科係讀乜野先決定向邊個方向深造。而GBUS、QFIN呢啲神科亦都係選擇入面，有心想讀又唔夠分嘅同學可以試下入左JS5300先，然後再努力衝GPA(雖然都好難)，搏一搏睇下入唔入到呢啲神科。
入GBUS係咪真係好難？高分就一定岩讀GBUS？

GBUS唔係高分就入得

4. chur

科大人係職場上出左名chur，所以亦都頗受僱主歡迎，因為佢地係大學四年入面，學業壓力係比其他大學高。唔知大家有冇聽過呢，UST又有個花名叫做Hong Kong University of Stress and Tension，可見UST學生真係出晒名大壓力。呢一方面就好壞參半，好嘅位係拎到個光環；壞嘅位係係你拎到呢個光環之前，你都要花費唔少心力同時間，亦要承受唔少壓力。

總結

想讀商科嘅同學就唔好錯過科大喇，JS5300嘅收生分數比起三大其他兩間唔算特別高，但UST Business School嘅名氣係全港最勁架！如果係英文同數學好嘅同學仲會比較有優勢，入到去比心機啲仲有機會可以揀到JUPAS收分勁高嘅神科major。但係壓力就會比起其他嘅院校都要高，要自己衡量承唔承受到喇。
 
【延伸閱讀】入得科大 你唔係唔知啊？- 剖析大學系列！
【延伸閱讀】商科 – 係咪真係咁好讀？
 
此文章純屬 Blogger 個人分享，並不代表本網誌立場。
 

想追返學校進度？Tutor Circle尋補有超過10,000個三大導師，即日幫你搵一個合適既導師！

想搵 一個合適既私補老師

DSE讀得咁辛苦，想活用知識黎賺下外快？

想搵 好多好多私補學生

緊貼尋補 Blog、Facebook 同 Instagram，尋補？Tutor Circle！
 
Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式
 

尋補？Tutor Circle！

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

媽劇停

有心無墨

留言