【數學補底】自修好過？3個原因你唔應該搵數學補習！

Post author:城大小薯仔
Post category:學術資訊
Post published:2019-02-23
Post last modified:2019-02-23

如果要小編揀一科唔補習，第一科就會係數學，因為小編唔喜歡數學。甚至Google search 「數學要補習？」頭幾個result就有一段video（見下），係一個數學名師分享點解唔洗送小朋友去補習。數學補習可以自己學？Tutor Circle 尋補今日就同大家分享下數學點樣唔洗靠補習都可以考得好好！

1. 補習只教公式不教邏輯？

其實數學非常著重邏輯同埋理解，就唔係話你記左條式入腦就會識做…唔通唔明，就算死記左條式，都未必識得係唔同情況同題目之中應用翻出黎。好可惜，就好似video裡面嘅名師所講，可能係臨急臨忙為左應付考試，諗住想速成學數，所以唔少補習老師都好快就跳去教公式，然後就係操數操數同操數，中間就少左好多時間解釋。但sorry就真係欲速則不達，學生唔係攞住條式就可以走千里路、答萬條題，仲分分鐘掉轉係俾數操，所以倒不如係學校上堂專心啲，落堂唔明問老師啦！
延伸閱讀：【計數機Program】MC必備！DSE數學CASIO計算機程式攻略
究竟DSE要點讀先可以考得高分？一齊睇下Tutor Circle尋補嘅數學老師講下啦！

想知多啲數學點讀

2. 數可以自己操？

係搞明晒啲邏輯，就應該可以靠操數黎熟練下（其實有唔少人靠操數去學習個邏輯不過小編覺得不太好，因為數學呢家邏輯野，好多時候都有絕對嘅做法同答案，岩就岩錯就錯，唔似得作文或者通識，需要有個人主觀評價你寫得好唔好，合唔合理！
所以如果你係明左個邏輯，其實無咩要特登搵補習去操數嘅需要，因為自己做完再對答案睇下邊個位出左問題就好了！再有小問題先翻學校問老師亦可。如果係未明個邏輯想補習，麻煩你碌翻去上一段睇完再考慮下。
要考DSE數學，其中要熟讀每條唔同既數學公式都非常之重要！但係點解有時背到熟晒都係唔識用返出黎？

想知多啲識背唔等於識用