幼稚園升上小學，小朋友開始接觸新既學習環境同課程，家長自然就會開始擔心，自己又冇時間湊個仔，又怕唔識教，一個唔覺意小學個底打得唔好，啲成績跟唔上，就會影響大好前途，所謂「萬丈高樓從地起」，搵間補習社或者補習老師睇住，洗少少錢，可以保證小朋友既將來，又可以騰多啲時間出黎，你話係咪一舉兩得？話雖如此，但你個仔真係適合補習嗎？Tutor Circle尋補幫你分析啦！
 

點解要幫小朋友搵補習？

1. 唔識教

香港小學既課程內容愈黎愈難，又愈黎愈多，尤其是啲英文更加難搞，就算家長自己識都好，都唔一定有方法去教，你知啦教小朋友係一門學問黎架嘛，佢地又容易分心，又唔知佢地識啲咩，請個補習老師或者放佢去補習社就最好，有專人教慣教熟（事實係未必真係識教）。

2. 冇時間

係香港呢個繁忙既城市入面，唔少家長雙親都需要工作，雙職家庭、單親家庭愈黎愈多，邊有咁多時間教個仔呀，收左工都冇精神啦！係咁既情況下，搵補習除左可以教識小朋友，仲可以當補習社係托兒所，將個仔放係補習社，又有老師睇住，衰極都有個譜！

3. 學更多，行先一步

比個仔女學定先實冇死，塞得愈多知識比佢，就學得愈多，就算唔叻過其他人好多，當預習定先都唔洗驚之後跟唔上進度呀嘛，所謂「贏左起跑線」上，就係呢一種啦。

延伸閱讀：【英文補習】中小學英文補習社/私補推介
 

聽落好似好多好處咁喎，咁點解唔補呀？

1. 近朱者赤，近墨者黑

將小朋友放係補習社，好聽啲講就會有老師睇住，其實老師一個睇到幾多個呀，一班成十幾人，影響得小朋友最多既一定係佢地補習班上面既朋友！朋友呢家野，如果係乖啲好學啲既，都還好（但係咁乖又點會比人放係補習社先），如果成日同啲比較冇紀律既小朋友一齊玩，自自然就會染上相同既價值觀，最壞既情況就係變得唔專心、懶散、反叛⋯⋯

2. 依賴心理

家長好慣性會幫小朋友安排好晒一切，由補習班、興趣班到校內既課外活動都由家長做主，因為覺得小朋友唔識諗（建議唔好低估左佢地）。久而久之，佢地就會覺得世界上既野都係比人安排好晒，漸漸就會好依賴，依賴父母對佢地既安排，依賴補習社或者補習老師去幫佢地溫書，咁樣落去，小朋友係唔會識得長大，愈黎愈唔成熟，後果就係當佢地遇到一啲問題既時候唔識得自己解決，更令人擔心既係，佢地唔識得獨立，凡事都依賴他人，大大影響左佢地既個人成長同人際關係。
 

3. 失去學習興趣

學習好多時係講求主動性同積極性，要自己想去學習先至會有心機去學好。但係補習強調既係由其他人去主導成個學習既過程，小朋友根本冇得揀，所有野都係被迫去吸收，所以往往就愈讀愈冇心機，試諗下，係一個高壓既環境下，比人鬧比人罰，點會仲對讀書有興趣呀！補習有機會令小朋友失去學習既興趣同意欲，呢樣真係要非常小心，連最基本既好奇心都冇埋既話，小朋友都唔慌會學得好！
 

4. 浪費時間

補習社既最主要目的都係幫小朋友跟好晒啲功課，預習多少少聽日既野，如果仲有時間就會狂塞練習比小朋友做。小學既功課量時多時少，有時候功課好快做完，但係小朋友為左避開更加多既功課同額外補充練習，緊係會「嘆慢板」，唔同你急，一樣本身15分鐘做完既野拖到2個鐘都未做完，同朋友吹下水，買下野食。浪費時間唔緊要，最怕小朋友為左「dum波鐘」變得愈做愈慢，變到冇晒效率，所以補習社遲放既情況真係屢見不鮮。
 

5. 死做唔識解

要知道補習老師係冇任何責任去make sure你個仔一定明晒所有野，佢只係有職責幫你既小朋友做晒功課同對答案，最多考試既時候做多兩本exercise。係咁樣既學職氛圍下，小朋友隨時會為左完成duties而不求甚解、盲目去做，根本唔明白背後既意思，囫圇吞棗。咁樣學完一大堆野其實冇意思，做完之後都只會將所有野還返晒比呀sir miss，「左耳入，右耳出」。
 

總結

其實唔想仔女咁辛苦，又想搵個人跟下你個仔既功課，最好緊係請個私補老師，一對一同你個仔上堂，又唔怕學壞，有彈性夾時間上堂，唔洗日日都去變左依賴，有需要既時候先補，咁就唔怕小朋友對讀書冇晒興趣啦！不過都要提醒各位，1 on 1補習一定會貴少少，以下有價錢既參考。
 
延伸閱讀：
【私人補習價錢】最新2021私補價錢 5大因素影響收費！
【補習老師】找補習老師注意7大特質 最多人忽略XX而中招

尋補？Tutor Circle！

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

banana bro

透過成長，實現夢想。

留言