【文化管理出路】被譽為文學院最專既科？

文化管理，Cultural Management，全香港只有中大開設既文學院課程，JUPAS編號 JS4022，近年愈黎愈備受關注既科目，2017年只有63人擺係band A，2018已升至546人，除返JUPAS收生人數23人，平均23個人先有一個入到，呢科被譽為文學院中最有出路既科目，究竟前景如何，平時上堂又係學啲咩？Tutor Circle尋補一齊睇下文化管理出路！

平時學啲咩？

整理官方資料顯示，大致可以分成3個大層面去學層：

古蹟保育
文創產業發展
藝術及節慶活動

隨住文化產業既興起，現代經濟愈黎愈重視文化同創意產業，香港同全球好多國家都紛紛開拓文化產業，例如西九文化區，根據美國藝術文化顧問公司AEA，單係2016 全球有超過100個文化基建落成，文化管理既學科知識，好大程度上係針對呢一類既經濟產業，培養學生成為具人文學科知識既學生，同時兼具文化視野同觸覺，根據官方說法，具體研習方向如下：

知識

認識中國及西方美術史
認識香港及中國的文化史與文化遺產
學習劇場研究、文化旅遊及藝術節編目的基本知識
掌握策展計劃與策展技巧

技能

掌握與不同團體合作的組織和管理技巧
對文化詮釋的批判能力
具備創意思維，以發展創新的文化政策

價值

欣賞及尊重不同文化團體
以具前瞻性的國際視野，積極推動本地文化發展

當中除左涉獵唔同種類既文學科目知識之外，仲可以學習埋活動策劃、策展、文化政策，因此都可以算係屬於文化產業既一科專科，有相對既職業技能，配合一定既實習機會，有助對將來事業非常有利。

實際出路

1.藝術發展統籌

既然講得上係「專科」，當然都有一啲專門屬於自己專業。搞活動一定要有搞手，而藝術發展統籌就係對藝術文化活動既搞手，唔好覺得香港好似文化沙漠，係文化事業上冇乜起色，其實香港係呢方面一直有舉辦唔少活動，例如藝術節、電競節、法國五月等等，對呢方面既人力需求都好大工作既職責主要係將活動搞到有聲有色，由頭到腳都要一手安排，由人手、佈置、場地、聯絡、推廣等等，緊係啦，全職搞手都係一個專業黎㗎！

2.導遊及導賞

文化管理出路
呢份工聽落好似好普通，求其個識得吹水同搞氣氛既人都做得啦，點解讀完文管要走黎做呢份工姐？咁樣講就唔啱，導遊其實都係一份專業，上述講既吹水搞氣氛技巧內裡其實都大有學問，本身成為導遊既人都需要接受過大量培訓同工作經驗累積先有咁強既駕馭能力
而且近年旅遊好興講文化旅遊、生態旅遊，即係「深度遊」，唔係剩係好似「鴨仔團」咁帶你到目的地就算，「深度遊」講求導賞既修養，要同大家講解地方歷史文化因素等等，作為一個有文學修養既文管學生，又有團體組織能力技巧，當然係呢方面會比其他major既畢業生更適合啦！順帶一提，中大教授沈旭輝都有開拓呢方面既市場。

3.策展人 Curator

文化管理出路
不論規模大小，每個展覽既背後都會有一位默默付出既Curator，佢既職責就係非常多，由選擇展品，點樣為展品寫一個適合既description，去到點樣promote成個展覽，都係由curator去負責，所以curator本身極需要文化知識水平，有唔少藝術策展人係藝術史上都有一定造詣，先可以策劃到一個有水平既展覽，所以curator絕對係一種專業，無論係活動策劃、Marketing、文藝水平上都要有返咁上下。

4.Marketing同PR

文化管理出路
呢2份工就唔多講，相信大家都知係雖然較好既語文能力先做到，對於語文既運用我相信寫左咁多paper既文管人應該有能力handle，但對marketing既認識可能就會缺乏一啲，雖然文學院出身既人可能不具備呢方面既敏銳度，但冇人一開始就識晒所有野既！

其他相關工種

總結

被稱為文學院最有出路既科果然係有啲專業出路，係專業知識同技能方面係比較似一科專科，係文創產業方面既工作的確係有自己既優勢，如果對搞活動同時對人文學科有興趣既話，絕對可以一試！

【延伸閱讀】人類學出路 – 想入中大人類學麻煩入一入黎
【延伸閱讀】日本研究出路 – 為興趣讀完出黎可以做乜野？

此文章純屬 Blogger 個人分享，並不代表本網誌立場。

想追返學校進度？Tutor Circle尋補有超過10,000個三大導師，即日幫你搵一個合適既導師！

想搵一個合適既私補老師

DSE讀得咁辛苦，想活用知識黎賺下外快？

想搵好多好多私補學生

緊貼尋補 Blog、Facebook 同 Instagram，尋補？Tutor Circle！

Z世代修辭手法 Ocamp
英文補習上莊中文補習議論文
 slp smaple 補習網數學補習
 大學五件事綜合格式