【家長心聲】小朋友提早放暑假子女出街vs在家抗疫成兩難？

Post author:Katie
Post category:親子熱話
Post published:2022-03-14
Post last modified:2022-03-14

第五波疫情持續蔓延，為了對抗病毒，政府下令全港中小學提早放暑假。只是，近日有家長在網上討論區指出發覺最近多了小朋友出街玩，質疑政府政策的實際成效，但又有不少港媽擔心小朋友日日困在家無得玩十分無聊，成兩難局面！Tutor Circle 尋補帶你睇睇各位家長心聲！

不少家長防疫意識低？

有名港媽在網上討論區「親子王國」發帖標題為「提早放暑假，成街都係小朋友！」的文章，認為政府安排中小學提早放假反而令疫情加劇。不少港媽都在文章下留言表示同意，有位港媽甚至認為現時部分家長防疫意識低，例如在落公園玩時依然帶零食給小孩在公園食。另一位家長也指自己依然看到不少小朋友落街玩的場面，完全不覺現時疫情嚴峻。

呢幾日好多小朋友落街踩單車
紅磡碼頭仲勁堆滿細佬。完全唔似話好嚴峻。

小朋友日日困屋企點放電？

不過，不少港媽也在帖文下留言表達不認同，認為家中環境狹窄，小朋友欠缺足夠的活動空間，質疑對小朋友健康的影響。不少家長都直言開始出現抗疫疲勞的情況，也心痛子女慘成政府抗疫政策下的犧牲品：「小朋友都好慘，冇學返都算，仲要連zoom都冇，冇啦啦放暑假，咁可以點姐。」有位港媽也坦言雖然兒子困在家足足一個月沒有出門，但依然被外出工作的老公所感染，認為「要點點都會中」。

要怪就要怪政府，迫學校調動假期，霸占校舍，做一場大龍鳯，但最後唔禁足唔強檢。
個個困住響屋企，冇運動，冇得曬太陽，抵抗力會好？
我唔會再陪政府癲落去，我會同小朋友去公園做運動。

不少家長都支持應該帶小朋友外出做運動，不應該強迫他們留在家中，其中一名媽媽提到「特別小朋友已經講到明每日最少要180分鐘中強度運動先健康。最多注意衛生保護好自己，唔代表成世要坐監喺屋企。」多做運動才能增強子女抵抗力，萬一染上疫情也能夠盡快康復。

延伸閱讀：
【兒童確診】小朋友染疫點算好？確診病徵/處理方法/後遺症一覽
【抗疫親子活動】同小朋友日日喺屋企？4個在家活動分享！
【WFH在家抗疫】4個家居運動YouTube Channel推介

*此文章由 Blogger個人／編輯團隊分享並僅供參考，意見及內容並不代表本網誌立場，Tutor Circle 尋補對信息或內容所招至的損失或損害，不會承擔任何責任。