私補點教？好多大學生都會做私補，原因係導師可以用好少嘅時間就賺到一筆唔錯嘅收入。而私補咁好賺都有人望之而卻步嘅原因就係「唔知點教」。例如：好驚教唔好個學生；唔知嗰個幾鐘做咩好；明明上堂教完佢，佢喺學校又做錯等。以上呢啲事都會令到有心教嘅導師感到沮喪。以下Tutor Circle 尋補就為有心做私補導師嘅讀者提供一啲小技巧啦。

1. 對症下藥

喺第一堂之前，可以先喺電話詢問一下點解你嘅學生需要補習，呢一科上面佢有咩係識，有咩係完全唔明。然後再根據呢啲資料去決定教學內容。例如好似語文科咁，你嘅學生可能閱讀能力好高，但說話分卷嘅表現較差，捉唔到拎高分嘅技巧。咁喺課堂上就可以用少啲時間教寫作，多啲時間教說話。另外，導師仲要因應學生唔同嘅學習程度去為佢哋訂下學習目標，同根據學生嘅程度去設計題目畀佢哋做。

第一次搵私補唔知點做好？

2 .教完唔代表考試識做

呢一個問題成日都會喺數理科出現。用數學科做例子，就係當你喺堂上面教你嘅學生做一題數嗰陣佢係明嘅，但係去到考試嗰陣佢又做唔出。呢一個問題大多出自學生只係識喺你嘅輔助下做啱嗰條問題，而當佢獨立做就會唔識。

解決方法：喺做題目嗰陣除咗解題之外，亦要培養佢嘅獨立思考同埋解題能力，例如最簡單嘅就係見到keywords嗰陣條題目應該點樣做等。同埋最緊要嘅係放手俾你個學生自己落手落腳去做，唔好俾任何提示佢，可以俾佢哋自己做出黎，咁就知道佢哋識唔識同明唔明呢條題目。

3. 溫習＋預習

去瞭解學生嘅最近嘅學習進度如何，最好嘅方法就係問下佢最近教到邊個課題，然後叫佢比最近嘅功課比你睇，又或者叫佢即場試做嗰個課題嘅題目。然後根據佢做出黎嘅野，去同佢講番佢有咩不足。如果時間許可，亦可以幫佢簡介一下之後會教嘅單元，等佢喺學校學習嗰陣比其他人更快更好咁掌握課題內容。

4. 閒聊

雖然私補最主要目的係學習，但係師生培養關係亦都極之重要。因為佢會令課堂氣氛更加輕鬆，從而減輕私補學生嘅壓力。因為佢哋放學之後仲要去補習其實都幾辛苦，所以假如將補習嘅所有時間都放黎學習到，反而會拖慢效率。再者，私補導師同學生之間嘅年齡差距大多數都唔會差好遠，所以營造亦師亦友嘅關係會比較易。

總結

最後，私補雖然唔易做，但係見到個學生喺自己嘅教導下進步，其實係一件好有成功感嘅事。而hea教其實呃人錢之餘，仲係誤人子弟，令一個學生失去咗學習機會。所以各位有意想成為私補導師嘅話，一定要俾心機教好佢哋呀！

如果大家想搵補習或者想搵補習學生的需要，不妨考慮搵Tutor Circle 尋補幫幫手，經驗豐富，信譽良好，免費服務配對，為學生提供最優質的私人補習導師。

延伸閱讀：

【家長學生補習須知】如何提高私人補習成效？必知4項要點！
【小學練習】免費工作紙下載！小一至小六各科補習/自學教材

常見問題

尋補？Tutor Circle！

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

媽劇停

有心無墨

留言