卡樂b都就快1歲了~ (時間過得好快🥺) 話咁快就要update一下一d育兒好物😜今次就主要針對係識爬至到學行呢個階段既。按此重溫上集：【育兒好物推介】BB衫慳錢大法+平價換片床推薦！

4款實用育兒好物推介

1. 防跌頭枕

首先第一樣好物就係防跌頭枕。

因為卡樂b係一個好心急既bb來，佢自大約8個月個陣識自己扶住企之後，佢就好心急要周圍行🤦🏻‍♀️。但因為佢又未企得穩，一心急就好易跌，之前已經試過幾次跌倒撞到頭，心痛死我🥺咁平時得我一個人湊，有時行開行埋真係會睇唔足😔。

我買左呢個防跌頭枕之後，一來我既感覺上會安全d，二來係有幾次佢跌倒，個頭枕真係有用墊得住個頭😳所以如果你地既bb又係學行既階段既話呢個頭枕一定要有👍🏻

2. 地墊

第二樣係地墊。

呢一樣真係唔少得！雖然平時卡樂b係通屋走，而地墊又好難可以全屋都舖，但至少可以比一個範圍卡樂b，去玩玩具又好睇書又好，一來如果佢會跌既話可以多一個防禦，二來既係佢玩玩具玩到鏗鏗聲個陣都唔會嘈到樓下🧐所以亦都係令到樓上樓下和諧相處既用品來。

3. 廚房欄

第三樣係廚房欄。

自從卡樂b識扶住行之後，佢就周屋走去探險🙈但始終有d地方都係危險，例如廚房…
因為佢有時會偷偷地入廚房開著個洗碗機呀洗衣機咁🤦🏻‍♀️ (我都唔知點解佢識，但佢就係開到😩)，所以我地就買左個欄封住佢唔比佢入🤣。

4. BB安全扣

最後一樣就係BB安全扣／櫃鎖啦。

而家卡樂b模仿既能力超強😳，呢頭我地開左個櫃桶拎野，轉個頭就見到佢開左個櫃摷緊嘢🙊所以呢d櫃鎖就超好用，lock死個櫃桶，佢點開都開唔到🧏🏻‍♀️

總結

今次既育兒好物update就去到呢度先啦~
另外亦都十級強建議大家去埋我其他既social media度睇下啦，會睇到我地同bb互動既小片段的🤪

延伸閱讀：
【BB房】蒙特梭利式佈置！玩具擺放2個小貼士
【全職媽媽】BB太黐身點算好？3樣物件讓媽媽可以抽身一會兒
【收拾玩具】點樣培養1歲BB自己執玩具？4個貼士

Frida Lee

一個90後/鐘意拍片/貪靚既新手媽媽。歡迎係IG • FB • YouTube搵我啦~

留言