小朋友游水！話說，見早排天氣幾好，又夾到爸爸放假，所以就帶左卡樂b去泳池游水🏊🏻‍♀️ 鑒於卡樂b之前對去沙灘既感覺非常唔良好(佢喊左好耐🤦🏻‍♀️)，所以我地今次準備咗啲可以坐既bb水泡同一啲玩具比佢，諗住可以分散下佢嘅注意力，令佢無咁驚🙈。

而今次我地醒，事先上網check定屋企附近個泳池有無嬉水池/泳池嘅開放時間/幾時洗池等等，check好曬之後見到所有野都夾好，咁我哋就出發去個泳池了！

去到之後先發現…嬉水池無開😥得返啲練習池，咁都無計，比咗錢又拎曬野，唔通唔游咩🤦🏻‍♀️所以就唯有頂硬上！但我地都無直接放卡樂b落水，反而係練習池條斜路度踩住地比佢掂下水熟習下先(但其實佢一落地掂水就已經喊😫)，之後又比d玩具佢分散下注意力，跟住又嘗試慢慢引佢行落深小小位置(其實深極都只係到大人嘅腳眼上少少位置，但對bb來講其實算深)，之後又將佢放落個坐得嘅水泡度帶佢出去浮下水。但係以上嘅3幾個步驟都來來回回搞左成個幾鐘🤦🏻‍♀️我都曬到燶曬👩🏾‍🦱…

本身都諗住走架啦，始終bb都唔可以曬太多，但呢個時間發現卡樂b好似開始慢慢接受到，個樣開始寬容返，仲識笑添😚！所以我地先繼續玩多陣等佢開心下…

經過呢次，我學識左要顧下自己🤦🏻‍♀️唔好只係顧住個仔而唔補防曬，因為我返到屋企先feel到個膊頭曬傷左😫痛左幾日…
但其實我都學識左原來湊仔/養仔真~係要好多耐性，而我發現其實爸爸佢脾氣真係好好，同真係好錫個仔🙊有時我自問都會燥一下(甚至幾下)，但我真係無見過爸爸燥過🙈

見爸爸今次叻🤣所以用爸爸d相先😚(因為泳池唔影得相，所以只係影左游前相🙈另外卡樂b件泳衣好得意😍)

今次就去到呢度先啦~
另外亦都十級強建議大家去埋我其他既social media度睇下啦，會睇到我地同bb互動既小片段的🤪

延伸閱讀：
【小朋友學游水要點揀】康文署VS泳會VS私人教練
【全職媽媽】BB太黐身點算好？3樣物件讓媽媽可以抽身一會兒
【收拾玩具】點樣培養1歲BB自己執玩具？4個貼士

Frida Lee

一個90後/鐘意拍片/貪靚既新手媽媽。歡迎係IG • FB • YouTube搵我啦~

留言