呀b已經14個月大了，開始周圍帶佢去唔同的地方，但帶佢去玩都會發生不同的狀況，每次層出不同，係呢到同大家分享一下幼兒外出有咩難題🥰

1. 小朋友唔肯戴口罩點算？

最常見就係呀b唔肯帶帽或者口罩，無論點鼓勵/哄，就係唔肯，如果迫佢就會好反抗不停推開我，因為而家出牙太多口水，口罩好多時帶五至十分鐘就會濕哂，都好難怪呀b咁抗拒！經過呢幾個月，我經驗係俾玩具或者用其他野引開注意再偷偷帶上，口罩未必次次成功，但帽通常都可以的🥰

2. 小朋友搭車唔聽話？

相信好多媽媽都帶過小朋友搭車，帶呀b搭長途車真係一大挑戰，我試過由將軍澳站搭返元朗站，到南昌站呀b已經不耐煩，可以點呢？就係一定要帶備不同的玩具和零食！要逐件逐件俾佢，例如玩厭左shaker，下個站就俾本書睇，當所有玩具玩哂都未到就俾零食，但千祈唔好俾佢拎住，係逐塊慢慢喂佢，同最好放有cover bb車安全啲，jo係喂個時倒數緊幾時到站🤣或者上車前同佢玩到好攰，等佢一上車就訓覺最正🤣Comment就係太遠都係call Uber or taxi，媽媽心好累。

3. 同其他小朋友爭玩具點算？

呀b而家開始大，有自己個性，每次去公園/playhouse/朋友家同其他小朋友玩都會有唔同的反應，呢排最常見就係同小朋友爭玩具😓呢個時候就要睇到好實，可能小jasmine會整到人，或者會被推倒，呢個階段係自然反應，bb會覺得玩具係自己，佔有慾強，所以不用好緊張大罵，第一時間分開佢地，再慢慢教一齊玩學sharing🥰

育兒每日都有新挑戰，jo媽都係到學習中，雖然辛苦，但見住一天天健康成長，所有都係值得的🥰

延伸閱讀：

【BB發展】出街、社交有助發展新技能！幼兒成長3大貼士！

【BB房】蒙特梭利式佈置！玩具擺放2個小貼士

【在家抗疫活動】10大親子遊戲及學習資源推介

Jo媽

jo係80後的媽媽，有一個半歲大的女女小jasmine忙番工之餘喜歡同大家分享美食、生活和親子日常、打卡餐廳景點

留言