點解我打呢篇？因為身邊太多人討論帶一歲b去迪士尼會唔會太早？要幾大入去玩先合適？小jasmine 而家17個月大，jo媽已經帶左呀b去三次🤣真心即使一歲b都幾值得去，等我同大家分享一下經驗🥰

🌟適合一歲b的遊樂設施

• 小小世界：天氣好熱帶呀b去涼下冷氣坐坐船呀媽可以抖下🤣
• 同卡通人物影相：沿途經過會見到不同的卡通人物，呀b第一次見到咁大隻米奇相當興奮，當然要排隊影相留念📸
• 小飛象：呀b見到小飛象已經不停指住好開心，坐完要走係咁唔捨得係到喊🤣
• 小熊維尼：又係排隊唔哂可以坐下車涼冷氣🤣不過沿途有啲黑暗打雷位呀b會有少少驚驚要攬住
• 蟻俠：我同老公對戰原來呀b可以坐中間！好搞笑可能佢玩到攰又暗又轉下轉下玩完佢訓左😅
• 旋轉杯：原來呀b係可以玩！但玩完呀媽頭暈了😵‍💫
• 玩水：係灰熊峽谷附近有個噴泉山谷，呢個位勁岩小朋友去玩水！有水桶裝住水可以搖落來，木橋又有水噴上來，火山又會定時爆發🤣呀b玩到唔肯走，記得帶多套衫去玩，小朋友一定好開心！
• 旋轉木馬：坐過一次呀女迷上了，每次排隊都會企係到望到實一實，坐上去就會笑唔停，音樂停左就唔肯落來
• 西部拍拍照：灰熊峽谷就玩唔到啦，但附近打卡位拍照滿不錯👍🏻
• 森林河流之旅：坐船仔，沿途有好多動物幾得意，又有迫真火的效果！
• 四圍都有好多商店勁多迪士尼公仔，呀女係入面shopping攬住公仔愛不釋手！

🌟適合一歲b的表演節目

• 巡遊：呀b見到米奇興奮到不停say hello，仲跟住daisy and Donald Duck跳舞💃🏻
• 煙花：其實係呀媽想睇🤣但8:30pm煙花，8pm已經要企定定等，人太多要抱住小jasmine ，煙花燈光音樂100分，呀女睇到o左咀，呀媽抱到手斷都值得😂(但一次夠了太攰）
• we love Micky 大街投影盛演：每晚8點都會係小鎮大街上演，小jasmine 見到好多米奇係牆上面跑下跑下好新奇手指指！所有人企係大街到睇氣氛仲好正！
• 迪士尼尋夢奇緣：每日有三場，一場20分鐘，早5至10分鐘到就可以，係城堡前的歌舞表演，呀女見到米奇米妮跳舞勁開心

🌟一歲b去迪士尼注意事項

➡️去前可以先download Disneyland apps有齊所有遊戲設施排隊時間、餐廳遊樂設施位置和表演時間，可以預先規劃好，帶住呀b玩就無咁呢hea

➡️最好推bb車，因為呀b撐唔到全日要午睡，呀b訓覺就可以掉佢係車，媽媽就可以舒服行街食野玩機動遊戲😂

➡️平日同紅日weekend去分別都幾大，平日通常排10分鐘，紅日就排1個鐘

➡️假日停車場真係大排長龍

🌟一歲b迪士尼食野安排

• 記得帶足夠的水和一堆零食，排隊可以喂零食
• 餐廳都有兒童餐又有highchair正
• 如果想食好西又唔想排隊可以試先book，有幾間可以預約但記得要早訂，我早兩日想訂萬聖節大餐都full哂

🌟Jo媽未去試但適合細b玩

• 小鎮大街古董車：係一入樂園就會見到，Jo媽都未帶小jasmine坐！
• 太空飛碟
• 轉轉彈弓狗：Jo媽真係好怕轉轉轉的遊戲，玩左唔咖啡杯和旋轉木馬已經夠了，下次挑戰
• lion king：而家做緊萬聖節主題表演所以場次唔多或取消，之後要帶呀b去睇！
• 迪士尼魔法書房：有冷氣的歌舞表演，次次想去一係就好多人排，一係就無開，一係就錯過左時間，下次一定要同呀女睇米奇跳舞！
• 樹屋：未帶呀女去行，諗起要抱住佢行好多樓梯就頭痛🫠
• 火車：幻想世界都有站，我未帶呀女坐！可以欣賞成個迪士尼景色
• 迷離莊園：怕佢驚未同佢坐，下次可能挑戰下🤣

總結

一歲b入園免費，媽媽課金買年票幾抵，呀b又玩得唔耐，每次去三至四個鐘剛好，我即使去左三次都玩唔哂🤣下次好想試下staycation!

延伸閱讀：

【親子好去處】一次玩盡世界兒童日嘉年華／早鳥優惠大放送！
【JOYMART「愉」快童遊親子嘉年華市集】親子市集好介紹！帶你體驗四大亮點！
【親子好去處】鞍山探索館！帶你認識鐵礦業歷史／搜羅3大活動亮點／發掘特色美食

－－－－－－－－－－－－－－－－－－－－
👼🏻現正招募「親子Blogger」！你都想分享育兒資訊？
立即將1️⃣筆名、2️⃣FB/IG/Blog page及3️⃣個人簡介 send俾我哋！
按此👉🏻Email
按此👉🏻Whatsapp
記得註明【申請做親子Blogger】，可能下一篇就係你嘅文章啦！😍
－－－－－－－－－－－－－－－－－－－－

留言