卡樂b都就快19個月啦☺️
而呢大半年我地都成日周圍去玩，所以我都綜合左一d玩樂地點係適合1歲至1歲半既嬰幼兒既。

嬰幼兒玩樂精選1. 體育館兒童遊樂室

首先大約1歲個陣，因為都開始識行，但同時間未行得好穩，所以如果爸媽們擔心既話，可以去d多少少保護性既地方玩，咁會安全d☝🏻咁就可以去體育館入面既兒童遊樂室，一來係免費，二來每區都有體育館，所以好方便👍🏻

嬰幼兒玩樂精選2. playhouse

另外playhouse都係唔錯既選擇，因為好多playhouse都會有唔同既主題，而玩具都會比體育館既兒童遊樂室多，有時d playhouse會做優惠時段，大約都係百零蚊就可以玩1至2個鐘，都係放電既好方法來😚

嬰幼兒玩樂精選3. 公園／郊野公園

而我就覺得要比卡樂b試多d，所以佢細細個我就放佢落公園爬下摸下。直到而家如果天氣好既，我都會同卡樂b落公園玩/去郊野公園跑下🌳，曬下太陽出身汗。

嬰幼兒玩樂精選4. 沙灘

如果係夏天既話，我地仲會同卡樂b去沙灘同泳池玩水🏖有次佢玩到唔捨得走添🤣

今次就去到呢度先啦~
另外亦都十級強建議大家去埋我其他既social media度睇下啦，會睇到我地同bb互動既小片段的🤪

Frida Lee

一個90後/鐘意拍片/貪靚既新手媽媽。歡迎係IG • FB • YouTube搵我啦~

留言