呢段時間，相信好多媽媽都忙緊小朋友報n班，報名表又作文又要捉呀b拍片拍完又剪片仲要帶佢interview心好累😖同一定唔止報一間，每間學校都咁loop 😵‍💫Jo媽報左幾間都想分享少少感受！

🌟1. 報名篇

➡️n班全港好多，有部分真的很搶手一位難求，首先家長要清楚自己的要求，揀選自己最心儀的：

• 教學方針 （注重學術／happy school／兩文三語⋯⋯）
• 之後升學想國際學校／直資私校/律校
• 考慮學費
• 地區，check校巴路線，接送問題
• 係咪好想入龍校
• 思考一下上n班想小朋友學到咩
• 半日？全日？番一間定兩間？

始終每個小朋友能力同性格都唔同，又唔一定名校係最好，始終大包圍報太多家長會累壞，最好做下功課target報幾間！

➡️每間學校的報名時間同deadline都唔同，個人建議要整個excel 表寫低想報學校的報名日期和deadline，咁就唔會錯過報名時間！

➡️諗下點解要報n班？想小朋友從n班學到咩，而唔係個個報，羊群心理就跟住報！好多ftm就唔報n班，寧願自己教自己周圍帶小朋友玩和約play date

🌟2. 拍片篇

相信個個家長見到拍片的guideline都叫救命😖但無計😢都係要面對💪🏻

➡️真係唔好做deadline fighter，強烈建議要分幾日錄，Jo淨係錄句what is your name都錄左一個鐘📹

➡️可以問下有無上年有offer的朋友仔interview片參考下，有少少頭緒，Jo都拎左兩段參考🤫

➡️不用特別set一個時間拍（因為呀b心情太難預測😓）背熟guideline，例如要拍呀b玩玩具，呀b一在狀態就拍低！多拍幾段遲啲慢慢揀

➡️記得要早幾日拍好，預時間剪片😮‍💨Jo就好彩做掛都算剪得快，如果不懂網上好多教學，一得閒快啲研究！

🌟3. 面試篇

段片終於過左！唔好開心得咁快，仲有second interview😮‍💨我覺得真係要平常心，見有些小朋友面試瘋狂喊，有些坐定定好乖，我個女就間間唔同，有一兩間表現非常好會同全場人say hello，有些中規中矩，有主動玩玩具做task，但平時開籠雀咁，面試老師問佢問題都唔答😓小朋友心情真的我不懂😮‍💨不過始終太細了兩歲都未到，我已經抱住心態，小朋友識自己揀學校，最少俾一個offer 都夠，盡力了，表現未如理想唔收都無辦法😣下年繼續努力💪🏻

感嘆而家咁細個呀b讀書都要過五關斬六將🤯仲要in埋家長睇埋住址背景🧐好多學校面試還在進行中，爸爸媽媽加油呀！

延伸閱讀：
【親子好去處】小朋友要放電？免費新界西BB遊玩好去處推介！
【親子好去處】一歲bb迪士尼攻略！遊樂設施／表演節目／注意事項！

Jo媽

jo係80後的媽媽，有一個半歲大的女女小jasmine忙番工之餘喜歡同大家分享美食、生活和親子日常、打卡餐廳景點

留言