學習爆發期！呀女快兩歲了，而家開始學習爆發期，會發現呀女對身邊所有人和事都好奇，又喜歡模仿我地講野同小動作，作為媽媽，當然會想教呀女好多不同方面的知識，但往往呀女會唔聽我講，好有自己的主見，相信好多媽媽都經歷過，有時真係好無奈勁頭痛😮‍💨係要順從她的意思，還是要堅持她聽我的，思考了良久，我覺得係要睇情況再加少少技巧！

1. 多鼓勵思考

我有次教她用杯搭高，諗住佢會跟住我一齊做，點知佢唔理我，收埋左個杯要我搵番出來🤣又有次佢拎住鼓棍打個杯好開心😝我覺得如果係類似呢啲情況就可以順從佢的意思，始終呢個年紀自由探索和發展創造力都好重要，有時我覺得杯咁玩有趣，但呀女可能會諗到唔同玩法，我又覺得可以鼓勵佢多思考多發揮不同創意，不用好似機械人一定要跟隨我所有的指示。

2. 要有耐性

但又唔可以每次都咁順從，如果遇到對與錯的問題，一定要用盡辦法要佢改，例如呀女而家食飯好鐘意掉野食/餐具落地，呢個行為係唔岩，就要諗辦法教佢，每個小朋友性格不同，用方法也不同，同我都唔主張好嚴厲鬧，始終兩歲都未到，真係除非大錯，講極唔聽先會叫爸爸鬧🤣佢每次掉，我都會話咁樣唔岩，話俾佢聽會污糟，拎紙巾叫佢自己抹，之後佢再用餐具食飯冇掉落地我就讚佢，不停咁重複，而家就已經好好多了，但真係好磨滅阿媽嘅耐性😑

3. 嘗試轉移視線

但呢個年紀，有時扭計起上嚟，係鬧又唔得氹又唔得，講道理當然更加唔得，係會瘋狂扭到你聽佢話，例如今晚佢扭睇電話我唔俾，就訓係地下係咁喊同扭，呢個時候如果鬧只會喊得更嚴重。我的做法就係轉移視線，用其他玩具/話題吸引佢，例如話媽咪陪你玩車車/Lego等等，當然有時成功有時失敗🙃講極都唔聽，就唯有出動佢最愛的餅餅😑

教育小朋友真係唔容易，特別呀女快兩歲，真係always say no，暈低⋯⋯我都仲有好多地方需要學習，媽媽們一齊加油💪🏻

Jo媽

jo係80後的媽媽，有一個半歲大的女女小jasmine忙番工之餘喜歡同大家分享美食、生活和親子日常、打卡餐廳景點

留言