話說，早2個星期我地去左迪士尼玩🕌 住左一晚酒店同入左樂園玩…

因為卡樂b仲細，有好多機動遊戲都未岩玩 (”小小世界”玩得❗️)。而咁岩我地係度閒逛個陣，見到跳跳虎出左來，可以同佢影相，而重點係無咩人排隊！咁我地就覺得橫掂都入左來樂園，而咁岩又無咩人排，所以我地都走去排隊同跳跳虎影相…
雖然話無咩人排，但其實都有5-6個人係前面排緊，而卡樂b佢暫時未有排隊既概念，加上佢比較性急，所以要佢原地等5分鐘係一件好困難既事😮‍💨 當下卡樂b係不停走上前同不停扭計lur地既，而我同爸爸係有不停解釋比卡樂b聽要排隊同有阻止佢走上前。

排係我地前面係有1個公公(又唔係老到白曬頭髮👴🏻，要用拐仗個d年紀，但應該係大約50-60歲，抱左孫做公公個d年紀…)。咁嗰個公公見卡樂b扭計lur地，可能出於”好心”，就同卡樂b講左句”小朋友你好曳喎！”，當下我聽到係覺得好un耳，心諗我已經教緊個仔，你一個外人係唔係唔應該插咀呢？而我再即刻望返卡樂b，佢表現得好驚😖因為佢而家雖然未識講野，但其實佢有好多字都聽得明，所以佢知道個公公係話緊佢，但其實小朋友扭計lur地係一件好正常既事，無必要要話一個小朋友曳，更何況我仲要唔識你既添！
我當下即刻安慰返卡樂b，我話”無事！媽媽錫返~💕”，嗰個公公聽到我咁講，可能意識到自己講錯野，所以就無再理我地亦都無再插咀…

好多時大家都會有個習慣係會貶低自己個小朋友去附和人地 (有時我都會唔覺意做左🙈所以我都要時刻提醒自己)。講返呢一個例子，如果有呢個習慣既家長，佢可能會附和個公公，同個小朋友講”係囉！你咁曳，醜唔醜呀？”之類打圓場，其實呢個做法係會傷到小朋友既自專心，同埋會令小朋友覺得連自己既父母都唔幫自己，會對父母無左個信任。大家可能會覺得一件咁~小既事，會唔會誇張左d？但大家諗下，如果每一件事都係用呢個處理手法，積少成多，咁就好大件事架啦‼️

小朋友身體健康固然重要，但我覺得心理健康一樣都好重要❗️因為我之前都輕輕讀過一d心理學既course，知道其實小時候既事係會影響到長大後既心理成長、思維方式甚至係行為添，所以小朋友既心理建設係唔可以忽視架‼️

其實講到尾，我都係想卡樂b可能開心快樂咁成長☺️所以如果遇到任何會令佢唔開心/傷害到佢既事，我係會即刻出聲/出手去保護返我個仔的！

今次就去到呢度先啦~
另外亦都十級強建議大家去埋我其他既social media度睇下啦，會睇到我地同bb互動既小片段的🤪

延伸閱讀：
【幼兒短片】細細個就睇電視驚唔驚？小心過濾內容…其實學到嘢！
【說話訓練】重覆講多啲！融入生活，學講野無難度！

Frida Lee

一個90後/鐘意拍片/貪靚既新手媽媽。歡迎係IG • FB • YouTube搵我啦~

留言