相信最近呢幾個星期好多媽媽都很累，天氣時冷時熱，又係流感高峰期，身邊很多小朋友都病左，包括我女都病足兩個半星期，我太累照顧佢也跟住病左😷好多人都講而家多人病，戴口罩安全d，我因呢個問題都考慮左好耐，真的有好有唔好🤔

.

戴口罩，真的可以預防到外面好多細菌，特別去玩或上堂，小朋友之間經常接觸，好容易互相傳染，所以好多小朋友而家都依然戴口罩，希望可以減低染病的機會

.

深思左一輪，Jo媽都係無幫小jasmine戴口罩😷

➡️之前成日戴口罩，呀女太多口水又多野講，搞到塊面容易敏感生好多粒粒，而家唔駛帶自然就好番！

➡️唔想呀女長期處於無菌狀態，不想過分保護，咁反而會容易有敏感和哮喘等，其實日常接觸少少細菌，可以刺激免疫系統嘅發展。

➡️呀女而家兩歲，係學習語言的黃金時間，係日常同人接觸、學校上堂時，唔戴口罩可以睇到口形、觀察面部表情，知道喜怒哀樂係點，對學講嘢、社交的發展都有影響。

➡️同而家唔係全民戴口罩，只部分人戴其實作用不大，日日戴口罩都係會病😮‍💨病左就一定要戴，我同呀女病都帶左兩星期，唔想傳染俾人，但無病就唔戴了，反而係會諗點增強自身的抵抗力！

➡️天氣愈來愈熱了，戴住口罩太焗！好想呀女舒服啲，好似我地以前咁，無拘無束咁呼吸！

➡️呀女最鐘意去公園玩，經常跑跑跳跳無時停，如果戴口罩好容易喘不過氣來，加上呀女年紀仲細，之前見過新聞呀b太細戴口罩抖唔到氣唔識扯差啲窒息，Jo媽真的有點擔心⋯⋯

➡️呀女已經中過covid又好番，相信已經有一定的抵抗力，而家最緊張係流感同covid同時間中，所以我都考慮俾呀女打流感針💉

.

不過每個人睇法不同，滿喜歡而家可以按自己意願去選擇戴同唔戴，最緊要都係增強自身抵抗力，家居清潔衛生，不過病左的話就一定要戴口罩呀，保障身邊的人🥰祝大家都身體健康！

延伸閲讀：
【學習爆發期】私心分享教trouble2妙法！
【海洋公園】Jo媽帶你走勻一歲b岩玩景點！

Jo媽

jo係80後的媽媽，有一個半歲大的女女小jasmine忙番工之餘喜歡同大家分享美食、生活和親子日常、打卡餐廳景點

留言