【試後活動】考完DSE係屋企「回血」嘅三個方法

系2018年4月30日之後，唔知大家有無發現自己系屋企嘅時間突然變得好漫長？啱啱考完試想係屋企回下血，偏偏唔知可以做咩好，搞到個人越來越頹。但其實呢段時間系青春不可多得嘅自由歲月，所以與其繼續虛耗光陰，不如參考以下建議，等自己就算一個人系屋企都可以活得多姿多彩啦！遲d仲有其他外出活動建議啊！今日等Tutor Circle尋補帶你出去玩下啦！

首先恭喜各位終於捱過DSE呢個難關（如果仲有英文oral嘅唔好打我，我衷心為你打氣的）而接下來大家都要迎接一段悠長而美好嘅假期。不過霎時間由dse戰鬥mode轉去hea mode，相信都好難習慣架啦。以前去開自修室、學校、補習社，宜家一落床都唔知可以去邊同做咩，唔少人只會系屋企篤電話同篤電話（連facebook都碌到幾年前嘅動態omg）如果你系屬於懶得出街但又唔想系屋企發霉嘅朋友，以下可以做嘅野應該幫到你地啦！

知多啲舊書回收

1.執書

考完dse自然有好多堆積如山嘅書呀筆記呀諸如此類，筆者嘅notes已經堆到成地都係，望到都心情煩躁，所以強烈建議大家搵日抖足精神同d書本筆記大戰三百回合。不過今次就唔洗再溫書啦，執走佢地就可以大家可以將筆記分門別類。
例如系賣比人、送比人、要扔掉（唔建議）、留翻自用（將來讀大學需要）等等搵下有無相熟嘅師弟妹，將筆記轉贈比佢地！有補燈塔嘅同學可以參加佢地嘅「講義轉贈計劃」，篩到最後先將真系無得救嘅棄置（如果系純紙張就建議回收啦）。
呢項活動絕對唔係一時三刻可以完成，一定可以佔用各位嘅時間，而且當你執完書之後望到煥然一新嘅書房、書架、書枱等。保證大家會更有心情做其他野重（例如準備7月書展瘋狂掃新書哈哈）。

舊書回收知多少

2.做家務

呢個系筆者建議嘅must-do job 點解咁講？因為佢一黎可以增進你同屋企人嘅感情，同時都培養下自己嘅自理能力，尤其系大學想住hall嘅同學仔，到時洗衫煮飯掃地吸塵全部都要靠自己倒不如趁宜家預先練習定，
以免到時發生第三次世界大戰。
咁多項家務最容易系掃地吸塵洗碗，但係最有趣就一定係煮飯仔（心心眼）大家可以參考youtube同facebook嘅教學短片，揀啲容易入手嘅，由買到煮都一手包辦，適逢五六月有母親節父親節，煮翻幾味令屋企人開心下都係唔錯嘅選擇。
唔好以為煮一餐只係好快嘅事，第一次煮嘅時候隨時佔用大家兩三個鐘，如果真系有興趣可以比各位兩個溫馨提示：
第一，就係去街市買菜記得要頹look，如果唔係好易比檔主抬高價格
第二，就係一開始入廚味道都係次要，確保食物乾淨熟透先系第一位
祝大家好運啦！

休閒

無錯啦，話明呢個系假期，點會少得休閒活動？不過始終呢個係家居生活篇，所以筆者會介紹一啲一個人「毒留家中」都可以做嘅活動，除左最常見嘅打機同篤手機，大家可以下載popcorn time免費睇戲，呢到提供嘅多數都係外國電影無中文字幕，可以順便訓練埋英文，但系有d戲佢要load好耐，所以或多或少都睇各位運氣。

如果唔想咁麻煩，睇書永遠都係最佳選擇，一本小說都可以睇成幾個鐘，而且依家終於唔洗好似考dse咁要記要背，隨心所欲，唔中意就隨時放低，感覺輕鬆得多。
如果仲系嫌呢d太悶，又想留系屋企，筆者就建議大家買副拼圖甚至系立體擺設系屋企慢慢砌，消磨時間之餘完成之後又好有滿足感，隨時可以當系禮物送比人，自家製作，你話幾有心思呢？
希望以上嘅活動可以幫大家度過系屋企嘅沉悶時間，如果覺得有用記得share比朋友，多人睇嘅話遲d會推出埋其他篇，例如同朋友去邊、如何充實自己，甚至有d咩系只有呢段時間先適合做，可以挑戰自我。
各位記得密切留意啦！

此文章純屬 Blogger 個人分享，並不代表本網誌立場。

想追返學校進度？Tutor Circle尋補有超過10,000個三大導師，即日幫你搵一個合適既導師！

想搵一個合適既私補老師

DSE讀得咁辛苦，想活用知識黎賺下外快？

想搵好多好多私補學生

緊貼尋補 Blog、Facebook同Instagram，想尋補？搵Tutor Circle！

Z世代修辭手法 Ocamp
英文補習上莊中文補習議論文
 slp smaple 補習網數學補習
 大學五件事綜合格式