出pool方法

【出pool】點解個個都出晒pool拍拖,而我仲係A緊呢?因為…

明明自己性格或者外貌好過身邊的朋友,但係佢地就出晒pool,個個都拍緊拖,自己就仲係single,大時大節見住啲朋友約晒自己男/女朋友去過,剩返我一個冇拖拍,孤零零係屋企過節。究竟點解會咁呢?今日就等Tutor Circle 尋補為大家拆解你仍然係單身嘅原因啦!
 


1. 過分主動

我見過有啲女仔對男仔過分主動,例如定時定候send message 問候對方,又係 instagram 狂洗對方like,最後男方只會覺得你好煩,甚至比你嚇走。所以,正確的作法係採取「欲擒故縱」,呢招相信大家都聽過。如果你地每分每秒都對啲男仔咁好,佢地只會覺得你對佢嘅好的理所當然,甚至唔會珍惜你!
所以,身為女仔,應該保有矜持,周不時比啲甜頭佢,周不時要佢掛住你。個男仔越得唔到你,就會越想得到你,更可能會向你展開瘋狂的追求!
 

2. 告白

小編我聽過有好多女仔主動同心儀的男仔告白,結果有99%都係失敗!
失敗的原因有兩個:
1)對方根本無鍾意過你;
2)朋友以上,戀人未滿。
前者小編就幫唔到各位sis啦,個男仔根本對你無feel,你同佢糾纏落去只係浪費時間!
如果你係後者的話,你就應該比啲暗示個男仔,
例如係有意無意的skinship(身體接觸),睇下佢對你有無feel,有無機會發展落去。
總之,做女仔一定唔可以先告白,好多時候都會失敗告終架,可能最後連 friend 都無得做!

出pool方法 - couple
「女追男,隔層紗」但原來女仔先表白失敗率更高。

延伸閱讀:【表白攻略】出Pool必學!5招有效表白方法+10句示愛語錄參考
 



3. 裝傻

有啲女仔好鍾意扮傻,扮cute,以為咁樣好可愛,會博得男仔歡心。
的確,可愛的女仔係特別受歡迎嘅。
但有種女仔係過分裝傻,開口埋口都係「真係架?」「你好叻呀!」「傻的嗎?」,
跟住又係啲男仔面前扮虛弱,好需要人地幫助咁。
呢種女仔好容易會招人反感,男仔只會覺得你好做作,成件事咪弄巧反拙囉!

出pool方法 - cute
扮傻扮到過晒火會令人反感,女仔都係做返自己就好了。

 


Copyright © 2022 Tutor Circle 尋補. All rights reserved. 此文章未經許可,不得轉載。
Copyright © 2022 Tutor Circle 尋補. All rights reserved. 此文章未經許可,不得轉載。

4. 過分自信

呢點係提醒啲外貌中上啲女仔嘅。呢種女仔對自己的外貌有一定的信心,所以對男仔的要求都相對地高。佢地可能覺得自己係萬人迷,到處 flirt 男仔,結果啲男仔只會覺得你持住自己樣靚係道周圍溝仔。
對男仔要求過高都係另一個令到你出唔到pool 的原因。你估宜家拍韓劇咩,香港邊有咁多「高富帥」呀?就算有,都未輪到我地呢啲平民女子啦!所以,試下放低要求,可能會搵到真愛呢?

出pool方法 - boy
眼角高,唔願意「屈就」自己,好難搵到一個符合要求嘅人。

 

總結

希望各位sis睇完呢篇文,可以解決你地心中疑團啦!但記住,愛情係無得勉強,如果你做左好多野,個男仔都無表示,小編就勸你放棄啦,唔好再浪費自己的青春!最後,祝各位 A0 的 sis 早日出 pool,搵到如意郎君!
 
延伸閱讀:
【男朋友】今年也要過Lonely Christmas嗎?分析男朋友又愛又恨之處
【12星座配對】你的星座和誰配?一個測試公開星座配對分數!
 


*此文章由 Blogger個人/編輯團隊 分享並僅供參考,意見及內容並不代表本網誌立場,Tutor Cricle 尋補 對信息或內容所招至的損失或損害,不會承擔任何責任。


尋補?Tutor Circle!

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

留言