如果要係JUPAS報傳媒系或者新聞系，大家都可能只會諗起中大同浸大呢兩間歷史比較悠久嘅學校。但其實城大亦都有媒體及傳播系架，今日就由同大家介紹下佢啦！:D Tutor Circle尋補同你探索cityu傳理。


城大嘅媒體及傳播系係文學院轄下，
所以都要讀文學院要求嘅課程。
不過自由度相當之高，
學生可以根據興趣去選讀社會科學、翻譯、或者係政治等等唔同嘅野。

至於講到科系嘅課程，就非常之多元化，
例如會讀到新聞理論、公關、電影製作、媒體法律、傳媒研究等等，
當中涉獵嘅範圍非常之廣！
係Year 2 嘅時候，學生就可以係
「數碼電視及廣播」同「媒體與傳播」揀自己專修項目(Major)。
顧名思義「數碼電視及廣播」就係讀同電視相關嘅野，
例如係試做主播報新聞，點樣拍電視廣告等等。
而「媒體與傳播」就係做多啲微電影或者廣告製作，
同埋公關方面嘅野，兩者都非常實用架！
學校對呢科嘅投資好充足，
有先進嘅設施同儀器去配合同提升學習嘅質素，
例如有3D電視拍攝製作及控制室、廣告設計及拍攝製作室，
係咪聽落都覺得好開心呢？

雖然呢科嘅考試相對上少，
但每份Project需要花嘅時間亦都相對地長，
所以唔好以為好輕鬆啊。
不過當你見到成品，一定會覺得好滿足。
 
講到報JUPAS就當然分數最重要啦！
城大呢科收生嘅分數大概係21-23分，睇Best Five為主，
大家都不妨考慮下城大呢科啦！

延伸閱讀：
港大法律系 – 我的GLAW學習日誌
嶺南大學 中文系 – 走在語文路上
 
此文章純屬 Blogger 個人分享，並不代表本網誌立場。

尋補？Tutor Circle！

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

城大小薯仔

我係係城大讀梗Media and Communication (MC)嘅一粒小薯仔。經歷過HKDSE，亦都短暫地經歷過係紐西蘭嘅留學生活。都希望可以同大家分享下一路以黎嘅心路歷程，同埋一啲係城大嘅趣事 😀

留言