全科補習

【全科補習】補全科定係分開補好?中學小學唔同補法!

studentconversion
tutor registration

相信補全科定係分開補好永遠都係各位家長心入面嘅煩惱。一次過補全科一了百了唔駛煩好啲呀,定係分開專科補,搵各科專業嘅補習老師好呢?想知邊種先啱自己或者係仔仔囡囡,就跟我哋TutorCircle 尋補睇真啲啦。


1. 全科補習

全科補習普遍比較適合小學生同埋初中生。而香港嘅全科補習主要係有上門私人補習同埋全科補習社兩種。 

1. 小學全科

小學課程相信普遍小組補習社同埋上門補習嘅私人補習老師都可以handle得到。
而實際上,過半數針對小學補習嘅補習社都係以補全科嘅方式運行。比起重點提升學生嘅學習水平,好多時小學全科補習社追求嘅係幫學生完成晒學校嘅功課同應付日常默書測驗,唔少小組補習社都會推出獎勵計劃,以儲貼紙換小禮物嘅方法鼓勵學生係補習嘅時候安靜專心做功課。此外,有時候佢哋更加負責埋托兒呢個責任,務求喺補習嘅一至兩個鐘內解決晒學生嘅功課問題,令家長夜晚唔使再為子女嘅功課而煩腦。另一方面,上門嘅私人全科補習相比起小組補習社嘅上堂方向則更加學術性。補習導師通常都會以教學為主,係課堂上幫學生解決學業問題,操練試題等。一對一嘅上課模式自然會令學生更專注。
 



2. 中學全科


而係中學方面,全科補習嘅適用範圍大概去到中二。原因係普遍中一中二嘅課程難度普遍都係喺成個中學課程嘅入門級位置,而科目數量亦都比較少,所以全科補習尚算可以應付到學生嘅需要。但係去到中三,普遍學校都會將綜合科學(Intergrated Science)分拆成物理,化學,生物(Physic, Chemistry, Biology)三科,加上通識,中西史等科目,全科補習實在難以應付。實際上,中學全科補習同小學全科補習唔同嘅地方係,礙於上堂時間有限,中學嘅而科目又比小學嘅多。所以,好多時每次全科補習上堂嘅時候只可以涵蓋都一至兩科嘅內容,因為要教嘅內容會較多。
 


Copyright © 2023 Tutor Circle 尋補. All rights reserved. 此文章未經許可,不得轉載。
Copyright © 2023 Tutor Circle 尋補. All rights reserved. 此文章未經許可,不得轉載。

2. 專科補習



專科補習方面不外乎有大型連鎖補習名師,小組補習社,同埋私人補習呢幾種。唔講你可能唔知,香港最大型嘅中學連鎖補習社嘅業務已經擴展到小學補習界,不過佢哋個名就改為英皇小博士、現代小學士、同埋 遵理兒童教育。小組補習社方面,亦都有唔少著名嘅專科補習社,例如進研教育,致臻研習社等等。而私人補習呢方面,大多靠口耳相傳,又或者係通過網上補習平台搵。如果真係有需要私補,可以同我哋TutorCircle 尋補查詢一下,了解一下都無妨。

專科補習全科補習
中學生比較適用小學生比較適用
針對問題,深入改進概括了解,應付功課
各類補習均有支援中小型補習社小組補習
大型補習社廣告,及口耳相傳口耳相傳

總結

中學生嘅自制能力相對比小學生高,加上中學科目數量比小學嘅多。再加上小朋友上到中學,係時候俾佢哋學識下時間管理,點樣分配下自己嘅學習同休息時間。比起乜都為佢哋規劃好曬嘅全科補習,根據自己需要嘅專科補習又會唔會更適合中學生呢?
 
 如果大家有補習的需要,不妨考慮搵TutorCircle 尋補幫幫手,經驗豐富,信譽良好,免費服務配對,為學生提供最優質的私人補習導師。

延伸閱讀:
 【補習社知多D】名不經傳的小型補習社——進研教育
【英文補習】補習社定私補好?中學小學搵補習攻略


 
此文章純屬 Blogger 個人分享,並不代表本網誌立場。
 

*此文章由 Blogger個人/編輯團隊 分享並僅供參考,意見及內容並不代表本網誌立場,Tutor Circle 尋補 對信息或內容所招至的損失或損害,不會承擔任何責任。
全科補習
全科補習

尋補?Tutor Circle!

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

留言