You are currently viewing 【補習老師】真係可以由初中補到高中都唔駛轉?拆解初中、高中補習性質大不同

【補習老師】真係可以由初中補到高中都唔駛轉?拆解初中、高中補習性質大不同

講起中學6年生活你會諗起啲咩呢?又或者你對6年中學生涯又有咩期望呢?對於而家大學三年班嘅筆者來講,我6年嘅中學生活同補習呢兩個字真係密不可分呀。由小學一年班比阿媽迫去補全科嘅補習社到初中嘅中英數專科補習,最後高中嘅高峰期試過讀緊7科,但係每星期補足8次習…所以,如果你對中學補習有咩疑問嘅就同「補齡」豐富嘅TutorCircle 尋補筆者一齊了解下中學補習到底係咩一回事啦。

 

初中補習

補習天王天后的粉絲團是這樣煉成的。圖:端傳媒設計部圖片來源

初中,中一中二嘅課程難度普遍都係喺成個中學課程嘅入門級位置,而科目數量亦都比較少,係同學仔打好基礎嘅黃金時期呀。而通常中一中二嘅時候學生都仲係升中嘅適應期,所以普遍都無咁快知道自己想讀乜嘢選修科。呢個時候想補習嘅話,筆者就建議各位揀下中英數呢三科主科嚟補習。文科嘅中英文成績實在唔可以靠一時三刻嘅催谷而有所提升。相反,中英文科嘅成績要靠長年累月嘅浸淫。因此,選擇初中中英文科補習嘅時候可以報讀一啲專注訓練學生文法同埋語文根基嘅補習班,又或者係上門補習,要求導師為你制定一個啱你嘅學習模式。而係數學方面,打好基礎同樣係咁重要。數學科係成個6年DSE中學課程入面唯一一科由中一考到中六嘅科目,加上數學嘅知識係係現有知識上面再疊加新嘅知識,如果同學仔有一個課題唔明白就skip咗佢唔去正視嘅話,之後嘅課題就有可能好似骨牌效應咁全部聽唔明啦。係DSE入面,中一中二嘅數學問題,更加占整份試卷嘅30%,所以真係千祈唔可以忽視初中數學嘅重要性。

下載GRWTH手機應用程式,即可使用消費券Alipay HK, WeChat Pay HK 及 Tap & Go繳付學費並享$20學費減免優惠。【請於GRWTH Pay上選取扣減$20後的學費】

以下筆者為你哋搵咗幾種中英數初中補習嘅建議,有需要嘅可以去佢哋嘅website了解多啲。


Copyright © 2021 Tutor Circle 尋補. All rights reserved. 此文章未經許可,不得轉載。
Copyright © 2021 Tutor Circle 尋補. All rights reserved. 此文章未經許可,不得轉載。

中文科:    –私人補習

英文科:    –遵理PChan: https://www.beacon.com.hk/tutors/patrickchan/

                 – Peterson English: https://www.facebook.com/Peterson-English-180462545076/

數學科:    – 數研教育SO-IN Education:https://www.soinedu.com.hk/

                 – 私人補習

 

高中補習

圖片來源

上到高中嘅你係咪覺得課程突然之間深咗好多,又或者學校老師上堂有時唔係好exam-oriented呢?如果話初中補習係打好基礎嘅黃金時期嘅話,高中補習就絕對係DSE衝刺期喇!同初中補習唔同,高中補習比較著重訓練學生嘅考試答題技巧,反覆操練past paper;務求令學生掌握DSE嘅應對技巧。考慮高中補習嘅因素係補底定係aim5**之前,學生首先要考慮嘅係心儀嘅大學學系嘅入學要求同埋歷年嘅入學成績。舉個例子,如果你想入嘅學科要睇學生4C+1X或者4C+2X嘅成績嘅話,你首要嘅補習考慮因素就會係為4科主科入面比較唔理想嘅科目進行補底補習,再係5至6科當中揀一至兩科衝刺。

 

以下筆者為你哋總括咗各個熱門科目高中補習嘅人氣補習名師

 遵理現代英皇嘉勳Youtube
中文YY Lam黃海星
英文PChan
Kenneth Lau
Billy Ng
Calvin SunBilly NgCalvin Sun
數學Dr Koopa Koo
Dick HuiWilson LiuHerman Yeung
M1/M2Dr Koopa KooDick HuiWilson Liu
通識Hong SirDR. COSTA廖天恩
物理C.W. Sham
化學Dr. K. Kwong
Sam Chai
生物Scarlett ChuAnd Tse
經濟Cliff YeungCarl Hung
企會財Andy YeungLing Leung
地理J. YeungTitus Chan
中國歷史Lori Tsang揚善Shinno Choi

當然,大型補習社未必適合每位同學,上到高中私人補習依然都可以係你嘅選擇。但係相比起初中嘅私補,選擇高中私補嘅時候就要更加小心同留意喇。係唔清楚老師嘅口碑時,同學們係選擇私補導師嘅時候應該盡量選擇熟悉DSE課程嘅老師。比如留意一下導師嘅中學畢業年份。近呢幾年畢業嘅師兄師姐,普遍都對DSE課程記憶猶新,而佢哋所學嘅DSE課程亦都唔會同你學嘅差太遠。點解筆者會咁講呢?有操練開DSE Past Paper嘅同學仔可能都會知,就係早年嘅DSE課程係各個科目都有唔少改動。特別係中文科,早年嘅中文科將而家嘅卷三聆聽及綜合分為卷三同卷五,即係聆聽同埋綜合分開考。果陣時嘅試卷同而家嘅試卷無論係內容定係評分標準都會有少少分別,例如聆聽卷會有一至兩條長文字題。此外,2018年DSE之前,中文卷一係無範文嘅部份,即係直至2017年,考生都係唔洗背同埋學範文。所以,如果導師本身嘅私補經驗唔係太多,對DSE科目嘅認識又只係僅僅限於自己係中學學到嘅內容,係教學嘅時候就會有可能唔小心教埋學生一啲out syllebus嘅知識,或者教少咗啲自己未學過嘅內容啦。要知道高中嘅時間咁寶貴,浪費自己時間同埋腦容量去記一啲唔洗考嘅知識就無謂啦(除非你好有興趣學課外知識啦)。

有需要私補亦可以同我哋Tutor Circle 尋補查詢一下。

 

總結

總而言之,無論初中定係高中,補咩習同補邊科都係睇自己嘅能力同想投資嘅時間。千祈唔好因為人云亦云,又或者抱住一種全世界得我一個人無補習而蝕底嘅心態去補習呀。

 

 【延伸閱讀】英文補底補邊個好?點樣學好英文?(第四點多數人都忽略)

【延伸閱讀】【英文補習】補習社定私補好?中學小學搵補習攻略

【延伸閱讀】英中學生成績勁啲?英中學校競爭好大?英文中學闢謠記

 

 

 此文章純屬 Blogger 個人分享,並不代表本網誌立場。

想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師

 

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebook  Instagram,尋補?Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

留言