【小學名校】官立小學嘅特色就係冇特色？同你拆解沙官小不為人知嘅特色

沙田官立小學係1981年創立，位於沙田新田圍村，係一所由教育局直接管轄嘅官立小學。沙官小而仁、毅、樂、誠為校訓，旨在讓小朋友愉快同有效地學習，發揮個人潛能。並且係德、智、體、群、美各方面作全人發展，終身學習，日後對社會、國家、世界作出貢獻。沙官小作為沙田區內唯一一間官立小學，係2019年全港小學排名排第43，受到唔少區內家長嘅愛戴。今天就等筆者係TutorCircle 尋補帶你哋了解一下88 校網嘅沙田官立小學有咩特色啦。
封面圖片來源

課程特色

圖片來源

作為一間官立小學，沙官小嘅課程係由學校教師，聯同大學學者、教育局課程發展主任、教育學院講師等共同設計嘅，所以課程基本上跟足教育局課程編排。對比起區內其他熱門band 1小學嘅課程，沙官小嘅課程比較大路，所以筆者就唔係道同各位家長逐一介紹啦，想知多啲沙官小學習課程嘅詳細內容可以瀏覽翻以下嘅官網。
https://www.stgps.edu.hk/index.php?option=com_flexicontent&view=items&cid=391&id=1233&Itemid=28

建立和為非校園「朋輩調解計劃」

圖片來源

可能好多人都會覺得官立小學嘅特色就係冇特色，但係筆者係做資料搜查嘅時候就發現沙官小訓輔組一項2018年新增嘅計劃叫做「朋輩調解計劃」。學校覺得我哋係日常生活中，人與人之間嘅衝突係無可避免嘅，所以，沙官小訓輔組推出呢個計劃，希望教識學生化解紛爭。而成為學校嘅「小學朋輩調解員」嘅小朋友需要接受朋輩調解員課程訓練，學滿出師之後就可以正式調解朋輩紛爭啦。

至今，沙官小已訓練出59位同學成為「小學朋輩調解員」。佢哋會以中立嘅第三者身份（即調解員）為年齡同背景相若嘅朋輩友群去進行調解紛爭，以達成雙方都同意嘅解決方案，參與接受調解嘅同學都係自願嘅。而每次調解嘅個案經過同埋結果，調解員都會向老師報告；老師亦會因應情況而考慮係咪需要跟進或者介入。相信自小就接受「和理非」訓練嘅小朋友可以學識點樣用和平理智同埋建設性嘅方法處理衝突，培養以積極態度處理衝突嘅校園文化，從而建立和諧互助嘅校園。

新生及插班生入學申請

申請入學年份	小一派位學額	自行分配學額	統一派位學額
2015	125	63	49
2016	100	50	40
2017	125	63	55
2018	125+35	63	75
2019	125+20	63	80
2020	125+15	63	70

https://www.schooland.hk/ps/stgps
小一入學嘅學額係近幾年都無太大嘅波幅，大概維持係125+20個小一派位學額，63個自行分配學額，同埋75個統一派位學額。加分位方面要注意嘅係因為官立小學無宗教背景，所以並唔存在宗教加5分嘅概念架。

而係插班方面，今年嘅小一生已經招夠人，所以不設插班學位。而小二至小五插班方面，沙官小嘅2020-2021年度小二至五年級插班生招生程序，將會喺
2020年5月展開，流程及日期如下：

程序	日期
截止遞交申請表	2020年4月29日
審議申請表	2020年5月初
筆試	2020年5月中
面試	2020年6月中
通知取錄申請人	2020年6月底

更多嘅插班資料可以參閱學校嘅網頁
https://www.stgps.edu.hk/index.php?option=com_flexicontent&view=items&cid=349&id=118&Itemid=13
學校聯絡資料
電話： 26053304 傳真：26022489
電郵： stgps@edb.gov.hk
網址： https://www.stgps.edu.hk

升中概況

圖片來源

同沙官小有聯繫嘅中學有2間，分別係沙田官立中，同埋梁文燕紀念中學(沙田)。而詳細嘅升學概況方面，沙官小只有公布2017－2019年嘅升讀英中率為67.4%，並列出十數間學生成功升讀嘅中學名稱，並無詳細列明該年嘅數據。所以當中有幾多學生升讀邊間中學真係無從得知。

總結

總括而言，雖然沙官小嘅課程比較大路，但係係教育學生課本以外嘅能力同埋支援學生非學術需要方面都算幾用心。除咗上文提到嘅「朋輩調解計劃」此外，亦都有針對有特別需要嘅學生嘅服務，例如校本言語治療服務，課後學習支援服務等。如果你係位於88 校網嘅嘅家長，沙官小教師都係一個唔錯嘅選擇嚟架。

【延伸閱讀】派位結果未如理想，怎樣寫叩門信才能入讀心儀學校？
【延伸閱讀】孩子要升讀小學了，開學要準備些什麼？
【延伸閱讀】【小學自行派位攻略】如何申請最心儀小學？

此文章純屬 Blogger 個人分享，並不代表本網誌立場。