中文卷四

【DSE中文口試】考中文口試應該點準備?中文卷四須知!

  • Post author:
  • Post category:DSE攻略
  • Post published:2019-01-04
  • Post last modified:2022-04-22

考中文口試應該點準備?所謂「唔怕神一般嘅對手,只怕豬一般嘅隊友」。究竟點樣可以係口試呢個充滿不穩定因素嘅考試裡面做到最好?Tutor Circle尋補今次會同大家拆解口試須知!

1. 平日準備

相信大家平時喺學校都有機會練Oral,你地有無發現好多時候都會用到呢啲例子呢?

  1. 李嘉誠白手興家,建立長江實業 (機遇/努力/學識並非所有)
  2. 曹星如/吳安儀 致力發展興趣,年紀輕輕已經享負盛名 (夢想/堅持/努力)
  3. 青少年自殺率上升,源於抗壓力低,所以應該舉辦…
  4. 青少年處於探索自我階段,所以對世界感到迷茫…

其實考試Oral題目主要都係圍繞某幾個範疇: 青少年特質/ 社會問題/ 名人語例…
內容必定喺日常生活可以接觸到嘅事物,舉嘅例萬變不如其中,只喺題目唔一樣,需要考核各位推論過程,所以平時練完Oral,可以抄底自己同埋同學舉過嘅亮眼例子,整合成為一本屬於自己嘅例子集!
 

2. 試前準備

臨考oral前兩個星期非常關鍵,大部分學校已經開始放Study leave,比同學自己摺埋溫書。Study leave期間無咩機會講有建設性嘅說話,去到考Oral自然容易語無倫次,所以珍惜每次翻學校,Oral 嘅機會,keep住自己講耶有條理。建議考試前最少同3位專業嘅老師進行練習,多啲聽下唔同人嘅見解,做到集思廣益。
 


Copyright © 2022 Tutor Circle 尋補. All rights reserved. 此文章未經許可,不得轉載。
Copyright © 2022 Tutor Circle 尋補. All rights reserved. 此文章未經許可,不得轉載。

3. 臨考準備

臨考前一個星期,每晚花5鐘,準備一條DSE題目,然後試下自己講首輪發言,練下講耶。通常DSE題目都會有名師拍Youtube喺網上講解,甚至有片段示範,所以可以善用互聯網去增值自己,聽下人地啲point,在比對自己嘅。
臨考前一日,其實已經背唔到太多例子,與其在打開啲名人例子集,不如睇翻之前累積落黎嘅例子簿。加上宜家考評局嘅趨勢喺減少緊可以用例子主導嘅題目,好似2018年其實大部分都係生活常識題。
 

4. 考試當日

根據小編嘅經驗,嗰日早上小編翻學校練左2次,然後就翻屋企食飯、沖涼,小睡30分鐘,幫自己差差電,精神啲。晏晝其實已經無再睇書,因為怕越睇越緊張,所以只喺聽歌放鬆下心情。(嗰日揀左件白色衛衣黎著,貼完label都好sharp!)
 

5. 考試進行中

5.1 身體語言

為左令考官覺得你積極參與討論,建議你雙手在喺檯面,身體微微向前傾,保持微笑、點頭。

5.2 如何做領袖?

大家都知Oral 裡面嘅leader 好重要,如果想攞5/5*/5**就需要show比考官睇,我係組裡面最清醒嗰個。點做?首先,你要催眠自己:我係組裡面最勁嗰個,其他人都好弱,佢地需要我carry,所以如果佢地壟斷,我要阻止;如果佢地無機會講耶,我要拋個波比佢;如果佢地偏離題目,我要救佢地!!!
所以,一坐低,望一望組員,對住佢地微笑,令佢地覺得你友善,自然會願意跟隨你同埋同意你。

 
卷四呢張卷,知識、語言技巧固然重要,但提供好印象亦都會加分!
 

 
【延伸閱讀】DSE中文說話 | 我有特別的…5**「中文說話」技巧
【延伸閱讀】修辭手法- 常見修辭錯誤、鮮為人知的修辭手法


*此文章由 Blogger個人/編輯團隊 分享並僅供參考,意見及內容並不代表本網誌立場,Tutor Cricle 尋補 對信息或內容所招至的損失或損害,不會承擔任何責任。
中文口試
中文口試

尋補?Tutor Circle!


留言