【大學生私補】大學生想做私補老師點入手?5招教你輕鬆入門

講到大學生最佳嘅Part-time job , 首位當然就係私補啦!唔單之可以將已有嘅知識轉化為金錢,仲可以幫到一眾嘅莘莘學子,何樂而不為呢?私補時間彈性,疫情期間更可以轉做視像補習,真真正正咁坐係屋企賺錢!不過,做私補老師都有唔少功夫要準備。想知點先可以做個稱職嘅私補老師?!快啲嚟跟我地Tutor Circle尋補睇下啦!
 

1. 點樣準備課堂?

私補搵學生
唔少私補老師係第一堂嘅時候都會表現得不知所措,非常緊張。咁樣嘅表現係家長同學生面前係大大扣分嘅!要畀到學生信心,作為老師,就必需表現自信嘅一面。咁究竟點先可以有底氣?所謂知己知彼,私補老師可以係第一堂補習前先索取學生以往嘅考試卷、測驗卷等,先了解學生嘅學習狀況。當第一堂私補個時就可以先指出學生嘅優缺點,引起學生共嗚,再教授學生針對性的技巧、策略等。原理就好似睇相師傅會先講出客人以往發生嘅事,以增加客人對佢嘅信任程度。咁樣準備課堂,可以幫到私補老師安排好教學內容,亦可以顯得老師做事有編排,增加學生對老師嘅信心。
另外,準備筆記亦是令私補老師更完美地準備課堂嘅好方法。如果係文科私補老師更甚,因為技巧、答題結構等難以係學生嘅課本上搵到,倘若私補老師可以將過往嘅學習經驗輯錄成筆記,加上各種例題、練習題、Past paper 等配合,學生就更容易理解內容,循序漸進地學習。老師亦可以輕鬆制定每堂教學內容,唔會導致「冇野教」、「口窒窒「嘅情況出現。預先準備筆記對於視像補習亦都十分重要,因為係視像補習中假如冇準備筆記,老師又冇得即場寫低要點,課堂就好難進行,學生亦難以吸收。總而言之,如果私補老師可以係上堂前了解學生學習情況,準備相關筆記,教學就自然可以得心應手啦!
 

2. 點樣視像補習?

私補搵學生
係疫情期間,視像補習成為大熱趨勢。平時就用開Zoom上堂,用Zoom授課你又識唔識?其實,用Zoom 上堂並唔難,私補老師可以先注冊帳號,如果只係兩人進行會議係無時間限制嘅。入到去之後老師就可以選擇共享畫面,少少貼士,老師可以係電腦桌面先放好課堂需要嘅材料,選擇分享Desktop 畫面,上堂嘅時候就可以節省時間,更加方便。建議老師亦可以選擇將文件儲存為PDF ,利用上面嘅標記同打字功能授課。Zoom 上面亦有註記功能可以使用。老師亦可以鼓勵學生用聊天室功能或者舉手功能,增加課堂上嘅互動。只要準備妥當,即使係視像補習都可以輕鬆做到。
 

3. 尋找補習地點

雖說視像補習成為近年趨勢,但不少家長及學生都擔心學習效果不及實體面對面補習。如果家中不方便,又不想去咖啡店,不如選擇私人自修室!Fzone提供了滿足四4大願望的多用途空間:一、簡約又不缺乏之工作溫習自由空間,樓面約4.5米高,完成擺脫壓逼感。二、獨立會議房間提供工作私隱度,可進行小組會議討論、網課、interview、補習、小組教學、見客等。三、FZone設有包場服務,客人可於場地內進行開Party / 拍攝/ Seminar/ 發佈會/ 大型工作坊/ 運動場地等,而且地點鄰近港鐵站。四、多種收費模式,抱括時租、日租、單次收費或套票等,沒有合約綑綁。
 


Copyright © 2022 Tutor Circle 尋補. All rights reserved. 此文章未經許可,不得轉載。
Copyright © 2022 Tutor Circle 尋補. All rights reserved. 此文章未經許可,不得轉載。

4. 點樣增加堂上互動?

私補搵學生
圖片來源

講到私補,相信唔少老師都遇過學生唔出聲嘅問題,令到老師唔知學生明唔明白,情況十分尷尬。究竟點先可以增加堂上互動,令上堂嘅氣氛熱烈啲?其實私補老師可以設定題目俾學生Brainstorm,等學生都可以出下聲,多啲諗野。除左以上嘅建議,老師都可以嘗試將筆記嘅部份位置留白,既可以保護自己嘅筆記,又可以令學生更加專心。而如果係小學私補老師,係學生測驗前,可以以一問一答嘅方式同佢温書。除左一般嘅練習卷,一問一答嘅方式可以令學生嘅印象更加深刻,亦都可以增加學生對老師嘅好感。堂上互動對課堂上嘅氣氛十分重要,亦可增加學生嘅投入度,令課堂無咁沉悶之餘,學生亦都容易啲吸收。
 

5. 點樣可以更好地編排課堂?

私補搵學生
圖片來源

係準備完筆記、學習用Zoom之後,究竟點先可以更好地編排課堂內容,做好時間管理?以下就係一啲關於課堂時間管理嘅小貼士。
首先就完整度而言,私補老師每堂可以準備三至四個重點,每個部份應該包括例題、示範答案及練習題,可以令學生更加明白學習內容。除左完整度,剛才提到嘅互動環節亦可以結合練習題,同學生一齊做題,學生做主導,老師做輔導,增加課堂嘅趣味性。
除左每一堂嘅課堂內容,課堂與課堂之間嘅連續性亦都十分重要。建議私補老師可以增設課後練習,以檢測學生嘅學習進度。下次上堂嘅時候亦都可以承接返上次嘅學習內容,令學生可以知道自己嘅錯處,鞏固返之前嘅知識,以免造成誤解嘅情況。
延伸閱讀:【私補經歷】學生學習程度同實際年級有天淵之別點算好?
 

6. 點樣做好課堂管理?

私補搵學生
圖片來源

相信咁多位私補老師都會遇過學生唔專心嘅情況,如果小學生就更容易心散。咁究竟點先可以做好課堂管理?如果係中學生,尤其係高中學生,建議私補老師可以同佢地多啲溝通,了解佢地嘅心理狀況,同佢地分享以前讀書嘅經驗,即係俗稱嘅“心靈雞湯”。咁樣嘅方式對中學生嚟講較易入口,亦都可以鼓勵佢地變得更加積極。如果係小學生,可能有時候就要採納較嚴厲嘅方式,亦可以與家長多溝通,以獎罰機制製造多啲誘因。不過講到最尾,做私補老師最緊要就係耐性,俾學生同家長感受到誠意,有良好嘅溝通,自然就有好嘅課堂管理。
 

總結

以上都係小編做私補老師嗰時候嘅小小心得。不過一句到尾做私補老師最緊要就係有心、有責任感。教得學生就要負責任。所以各位大學生「入行」之前要做好心理準備啊!想成為私補老師,搵下生活費? 歡迎來到Tutor Circle尋補 成為私補導師。
 
延伸閱讀:
【私補】大學生做私補,到底有咩好?
【私補老師攻略】第一次補習?點樣留住你嘅學生
【網上補習】 網上補習要準備啲咩? 7大Zoom隱藏功能教學


*此文章由 Blogger個人/編輯團隊 分享並僅供參考,意見及內容並不代表本網誌立場,Tutor Cricle 尋補 對信息或內容所招至的損失或損害,不會承擔任何責任。


尋補?Tutor Circle!

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

留言