【西班牙語】學咩外國語言好？學西班牙語的3大好處

Post author:傻人一名
Post category:學術資訊
Post published:2020-05-02
Post last modified:2020-05-02

封面圖片來源
除咗普通話同英文，近年都有唔少人選擇進修其他語言，例如法文、德文等，當中西班牙語也是當中的大熱門。究竟西班牙語有咩咁吸引？學咗又有咩好處？今日，就等我地Tutor Circle尋補帶你了解一下啦！

西班牙語有咩特別？

圖片來源

西班牙係世界第二大語言，主要集中係拉丁美州，有超過五億人使用，所以係總使用人口排名上，西班牙語係排名第三，僅次於英文同漢語。所以如果學咗西班牙語，就可以同世界上唔同嘅人溝通。
另外，西班牙語係香港有專業嘅進修學院，唔少大學亦有西班牙語嘅選修科。香港考評局亦有西班牙語嘅文憑試俾人報考，係屬於丙類嘅考試項目。所以讀西班牙語都可以有證書㗎！

西班牙語難唔難學？

圖片來源

好多人都會擔心由頭學一樣外語好難而卻步。但對住西班牙語，你係完全唔洗擔心㗎！因為西班牙語係被喻為世上最易學嘅語言之一。西班牙語有 27個字母，語法與英文嘅語法結構相似，同樣係主謂賓嘅語法結構（SVO），所以就算母語係中文，都可以輕鬆學會。
延伸閱讀：學日文方法 – 自學語言系列(2)「持之以恆，『日』子有功」

學西班牙語有咩好處？

就好似上面咁講，西班牙語嘅使用人口十分之高。所以而家有好多人都會揀進修西班牙語。咁究竟學西班牙語有咩好處？等小編同你一一介紹啦！

圖片來源

1. 一石二鳥 —— 輕鬆掌握其他四種外語

西班牙語屬於拉丁語系嘅其中一項，所以如果學識咗西班牙語，就可以好輕鬆咁學埋其餘四種外語，包括法語、葡萄牙語、羅馬尼亞語、義大利語。因為佢地屬於一樣嘅語系，所以語法非常相似。所以小編都認為學西班牙語係非常抵，學一種外語就可以學多四種外語，真係一種“非常之抵學”嘅語言！

2. 自我增值 —— 提升你的職場優勢

圖片來源

西班牙語作為世界第二大語言，唔少跨國企業都有機會同拉丁美裔嘅企業合作，所以學西班牙語絕對可以助你係職場上更有優勢。係美國，西班牙語已經成為咗第二流通語言，連ATM都有西班牙語選擇。西班牙語同時係西歐都十分流行。而且隨住拉丁美州嘅發展，各國之間嘅貿易增加，對西班牙語嘅需求亦越來越大。所以學習西班牙語絕對得你嘅事業有莫大幫助。

3. 海外升學 —— 為你提供更多選擇

圖片來源

一般香港學生嘅熱門留學地方必定係英國、澳洲、加拿大等以英文為主嘅國家。但你有冇諗過去西班牙等拉丁美州國家留學呢？其實唔少排名高嘅大學都係西班牙，例如龐培法布拉大學等。如果你想你嘅留學經驗更特別、豐富，學習西班牙語到西班牙留學都係一個唔錯嘅選擇。

總結

大家可能對西班牙語唔太熟悉，希望以上嘅介紹可以令你地了解多啲。小編就覺得如果大家空閒嘅時候學習多一種外語，都係一種唔錯嘅選擇。唔知大家覺得西班牙語點呢？歡迎大家留言話俾小編知啊！

延伸閱讀：【海外升學】香港IB學校一覽
延伸閱讀：入到大學，最想做的不是大學五件事，而是去exchange

*此文章純屬 Blogger 個人分享，並不代表本網誌立場。

想追返學校進度？Tutor Circle尋補有超過35,000個三大導師，最快兩小時幫你搵一個優秀嘅上門導師！

想搵一個合適嘅私補老師

DSE讀得咁辛苦，想活用知識嚟賺下外快？

想搵好多好多私補學生