【小學名校】浸信會沙田圍呂明才小學擁抱創新科技自設天文館

相信沙田區家長對呂明才小學並唔陌生，有留意開嘅家長或會知道沙田區有兩間呂明才小學，分別係浸信會呂明才小學，同埋今日筆者想介紹嘅浸信會沙田圍呂明才小學。唔知大家又知唔知兩間同位於91校網嘅呂明才小學有乜分別呢？想知更多嘅就同我哋TutorCircle 尋補一齊睇落去啦！
封面圖片來源

簡介

7.jpg (1200×500)
圖片來源
浸信會沙田圍呂明才小學嘅前身係「香港浸信會第一小學」，後易名「培愛小學」。其後，隨著學校遷至沙田第一城，成為「浸信會呂明才小學上午校」及「浸信會呂明才小學下午校」。之後因為香港政府開始推行全日制小學教育，「浸信會呂明才小學下午校」再遷至沙田圍現時嘅校舍，成為「浸信會沙田圍呂明才小學」。所以，兩間小學係校政同埋教育方針方面都頗為相似。但係話說回來，點樣相似都好，每間小學都總會有自己嘅特色。想知浸信會呂明才小學有咩出色嘅話，可以瀏覽下我哋介紹浸信會呂明才小學嘅報道，想留意浸信會沙田圍呂明才小學嘅特色嘅話就繼續留係呢度一齊了解下啦。

教學特色－天文，科學與科技 Astronomy, Science & Technology (AST)科

Slider-03-0405.jpg (1198×550)
圖片來源
筆者比對過兩間小學嘅課程大綱，沙呂小除咗有STEM教學之外，仲俾一呂（浸信會呂明才小學）多咗一科叫天文，科學與科技 (AST)嘅科目。為回應政府及社會需求，沙呂小透過AST科發展STEM教育。學校曾經係2016-2018年連同香港大學電子學習發展實驗室，共同研發高小「結合編程機械之STEM課程」。而最近，學校則係小四至小六嘅天文、科學與科技科課堂內，加入「編程機械人單元」，以一人一編程機械人（mBot），於課程中加入編程元素(Coding)，以單元形式建構學習。
13254095_891475274312508_3070011409699496486_n.jpg (960×720)
圖片來源
AST課著重學生動手探究，整合科技同埋機械，以科技輔助科學探究仲有創作。課程嘅目標係培養學生創意、解難等能力，建立積極、自主嘅學習態度。
IMG_6976.jpg (4032×3024)
圖片來源
沙呂小AST科嘅目標有5個，分別係

培養學生熱愛自然，尤其是對宇宙、星空嘅興趣，以及探索科學嘅精神。
提升學生解難、研習同埋運用資訊科技等共通能力，促進學生係其他學科嘅學習成效。
利用探究方法找出科學現象嘅規律。
發展學生自我管理能力以及正確使用資訊科技嘅態度同埋價值觀。
學生能以資訊科技(例如互聯網同埋多媒體)作為資訊檢索、知識探究、溝通、協作以及個人發展嘅工具。

AST-15-300x225.jpg (300×225)

圖片來源

AST16-.jpg (800×600)

圖片來源

AST4.jpg (2592×1936)

圖片來源

除咗平日嘅教學同埋outing，沙呂小為配合天文，科學與科技科嘅考核，設有呂高華數碼天文館，係半球體形天幕下，可以模擬星體嘅運行，帶學生暢遊太空，令到學生可以係學校親眼見到，感受到身處太空嘅情境。另外，天文館亦設有各式天文望遠鏡，同埋適合年紀較小嘅學生使用嘅教學望遠鏡，為唔同年齡嘅學生製造親身操作嘅機會。

BYOD自攜平板電腦學習

Slider-03-03.jpg (1199×498)
圖片來源
為培育學生終身善用科技，掌握知識，沙呂小自2011年起開始推行「平板電腦輔助教學計劃」。
學校希望BYOD計劃可以做到以下幾點：

清晰定位-學習工具
與傳統嘅學習模式互為補足，相輔相成
著重學習經歷，同埋過程
著重學生的書寫訓練：實體課業以及抄筆記
著重資訊科技素養培育

學生會係課堂上使用iPad，輔助不同科目嘅學習。學校希望可以藉此幫助學生建立正面嘅資訊科技素養，加強個別化學習，從而促進學生自主學習，迎接未來嘅挑戰。

而係購買平板電腦方面，政府方面，關愛基金援助項目有支援資助清貧中小學生購買流動電腦裝置，以實踐電子學習嘅項目；而學校方面，沙呂小家長教師會亦都撥出$100,000作資助支援低收入家庭購買平板電腦，有需要嘅家長毋須太擔心因為負擔唔起購買平板電腦嘅費用而無法學習。

升學情況

PE1617-04.jpg (1152×768)

圖片來源

根據沙呂小嘅校網，2017－2019年度嘅數據總共顯示咗114位畢業生嘅升學數據。當中，最多畢業生升讀聯繫中學－浸信會呂明才中學，有30名；其次係耀中國際學校(中學部)，香港神託會培基書院，同埋喇沙書院，各有9名。詳細嘅資料可以瀏覽佢哋嘅校網：https://www.bstwlmc.edu.hk/?page_id=688

學校聯絡資料

schoolFlag-011.png (288×291)

圖片來源

地址:新界沙田圓洲角路八號
電話: 26476242
傳真: 26350132
電郵: info@bstwlmc.edu.hk
網址: http://www.bstwlmc.edu.hk

總結

雖然沙呂小被坊間稱為二呂（坊間慣稱呂小為一呂），但係其實係學校配套同埋校政方面，沙呂小都唔會比呂小輸蝕。沙呂小係2019全港小學排名入面排第34，比排28嘅呂小低少少。但係正因為咁，沙呂小相對之下亦都比較易入。因此，鍾意呂明才小學嘅教學方式嘅小朋友同埋家長不妨將浸信會沙田圍呂明才小學納入選擇之一。

【延伸閱讀】由傳統科目之新興科目全方位學習－沙田區91校網名校浸信會呂明才小學
【延伸閱讀】全人發展－照顧學生學術以至身心靈發展－油蔴地天主教小學
【延伸閱讀】秉承校訓教育人群－帶你了解全港小學排名第三嘅第一男校【喇沙小學】

**現在從Blog 下方按鈕轉載到 Tutor Circle 尋補網站，並輸入優惠碼 ”TCBLOG2020“ 即可有$20學費減免，事不宜遲，馬上去搜索適合導師上課吧**

此文章純屬 Blogger 個人分享，並不代表本網誌立場。