【小學名校】拔尖教育協恩中學附屬小學

協恩中學附屬小學係一九三七年由香港般含道嘅飛利女校，以及位於九龍城嘅維利亞女校合併開辦。辦學宗旨係秉承基督精神，培養學生德、智、體、群、美、靈六育發展，推行全人愛心教育。協恩小學實行小班教學，每年每級 3 班，每班30人，所以每年大約只收90人。此外，學校班師比例高，比 79% 學校多，學生資源充足，難怪學生能力超群。今天就等筆者係TutorCircle 尋補同大家一齊睇下更多關於協恩小學嘅特色啦。
封面圖片來源

重視小朋友自學能力

1395.jpg (1920×1440)
圖片來源
協小認為女仔係「前期學習」階段好有優勢，所以，學校嘅課程進度比一般學校快。二年級已可用Powerpoint做滙報、三年級已經教倉頡輸入法，現時小學亦已加入Dreamweaver及PhotoImpact教學。正因為協小實施「加速課程」，要跟上進度就好睇學生嘅自律，同埋好學程度。有協恩小學嘅家長就認為，要睇協恩小學適唔適合自己嘅小朋友其實好睇小朋友本身既自學能力。有啲協小學生可以係玩運動，音樂劇嘅同時兼顧學業，一小時內完成所有功課，好輕鬆；有啲淨係做功課都要用3個鐘。

語文科發展

1399.jpg (1920×1440)
圖片來源
協恩小學認為發展學生嘅語文能力係十分重要，事因上到中學考DSE，如果語文科唔合格，就算其他科目成績再出眾都係上唔到大學。因此，學校係實施「加速課程」嘅情況下，再配合唔同嘅學科活動；例如中文科有中文辯論，故事姐姐，象形文字揮春創作，攤位遊戲等等，讓學生可以以生動有趣嘅形式學習中文；而英文科則有Book Character Day，English Chiefs，亦都有P.E.E.G.S P5 Interview Skills 活動，為學生練習升中面試嘅應試技巧。

取消與協恩中學嘅聯繫學校關係

1471.jpg (1920×1440)
圖片來源
因著協恩中學轉型為直資中學，協恩中學2018／19學年中一收生不再預留學額予作為資助小學嘅附屬小學。而對於協恩中學附屬小學嘅學生會否有優勢，協恩中學嘅梁校長就直言要睇各方面嘅因素，中學亦都無一個特定嘅數字要收幾多個協小嘅學生，同時亦都唔會額外加分。但係，梁校長亦強調「協恩小學學生對於協恩中學理念比較熟悉同埋了解，係相對有優勢；我哋對協恩小學嘅課程同埋活動嘅質素水平上都比較有認識，因此，對協小學生會有比較好嘅印象。我都希望爭取她們（協恩小學學生）報考協恩中學。

學校聯絡資料

校網：九龍城區校網34
地址：九龍土瓜灣農圃道1號
電話： 27111263 傳真：27141958
電郵： hyps@hyps.edu.hk
網址： http://www.hyps.edu.hk

總結

雖然協恩小學現時無任何嘅聯繫中學，但係因著學校嘅「加速課程」，訓練學生自小養成自主學習，以及培養學生各種學科以外嘅興趣，令到佢哋成為一個自信、性格樂觀、熱情，又喜歡與人相處嘅人。相信具備以上特質嘅學生係任何一間中學嘅面試都會應付自如，而事實上，協小嘅畢業生都廣受各大名校嘅歡迎。講到尾，協小始終係一間比較拔尖應嘅小學，係幫囡囡間學校之前都要睇番佢哋嘅能力。

【延伸閱讀】由傳統科目之新興科目全方位學習－沙田區91校網名校浸信會呂明才小學

【延伸閱讀】全人發展－照顧學生學術以至身心靈發展－油蔴地天主教小學

【延伸閱讀】秉承校訓教育人群－帶你了解全港小學排名第三嘅第一男校【喇沙小學】

**現在從Blog 下方按鈕轉載到 Tutor Circle 尋補網站，並輸入優惠碼 ”TCBLOG2020“ 即可有$20學費減免，事不宜遲，馬上去搜索適合導師上課吧**

此文章純屬 Blogger 個人分享，並不代表本網誌立場。