【小學名校】聖母無玷聖心學校沙田 88校網熱門學校

提起位於沙田大圍嘅聖母無玷聖心學校，可能好多區內家長都會醒起學校果條百幾級嘅長樓梯。其實而家嘅校舍係2012年為合併上下午班而建成嘅新校舍。聖心小學嘅原址位於大圍文禮路，鄰近香港文化博物館，與聖母無玷聖心幼稚園，天主教聖堂同埋修道院相鄰，而家嘅小學校舍已經歸入幼稚園嘅範圍。小學部係聖心中小幼部之中最先成立嘅部份，係1964年創立；隨即學校嘅發展，學校亦先後成立幼稚園部同埋中學部。而今日，TutorCircle 尋補筆者想先同大家介紹聖母無玷聖心學校嘅特色。想知多啲就唔好行開啦。
封面圖片來源

學校特色

living1_318.jpg (800×533)
圖片來源
聖心期望幫助同學們裝備自己，迎接未來社會嘅挑戰。因此，學校不但注重學生在知識層面上有鞏固嘅基礎，亦重視同學的共通能力發展，培養學會學習嘅能力；但更重要嘅是做人處事嘅價值觀，緊隨孝悌勤儉嘅校訓。由此可見，聖心嘅校風同其他傳統天主教小學一樣，都係比較嚴厲，保證學生唔會學壞。

此外，學校亦希望透過多元化嘅學習模式同埋校本課程，優化課堂教學。例如：合作學習、電子學習、多元評估、各科校本課程及校本德育課程等，提高同學的學習興趣，發展潛能。除此之外，學校亦同時提供多元化嘅校內活動，包括：多元活動課、全方位學習週、外邀講座、圖書館活動、英語活動、戶外學習日、科技學習日、繽紛學習日、專題研習、說話訓練、模擬面試、運動會及不同類型的級制比賽等，將時下流行嘅STEM課程融入係各個唔同科目嘅活動課堂當中。

更多，為不同能力特質嘅同學提供更適切嘅學習，學校亦設立唔同嘅課程，例如：資優教育、小班教學、小一新生適應班等，照顧唔同學生嘅需要。

聖心大家庭

edu2.jpg (392×236)
圖片來源
上文提到，聖母無玷聖心學校設有中小幼三部。因此，小學部亦都有好好善用呢一個優勢，比同學擴展視野。聖心小學部同中學部一直都有緊密嘅聯繫，聖心小學嘅學生經常都有機會參與由聖母無玷聖心書院主辦嘅學習活動，如英語日營、數學遊蹤、科技日、功課指導班等。亦有機會到聖母無玷聖心幼稚園，為學弟學妹講故事。而運動會更加設有中小幼接力賽，令學生係係參與唔同活動嘅同時建立對聖心大家庭嘅歸屬感。

升學情況

圖片來源
聖母無玷聖心學校作為88校網內嘅熱門小學，小學升中嘅成績都相當理想。因為學校嘅分班從小二起都係依照成績分班，每班以學校校名嘅字頭命名，所以依次序I,H,M,P,S 班代表其他學校嘅A,B,C,D,E 班。當中I班嘅學生普遍都會考入區內band1中學，例如曾肇添，沙官，崇真，聖羅撒，沙循等等；亦都有唔少學生能夠考穫傳統名校，如皇仁，德望，香港華仁，st. Paul Co Edu 等。而其他班嘅學生則通常會選擇聯繫中學，聖母無玷聖心書院。
筆者係網上搵到有2017／2018年家長自行統計嘅升學數據：

	6I	6H	6M	6S
皇仁書院	1
德望學校	2
香港華仁	1
聖保羅男女	2
體藝	1
循道衛理	3
曾肇添	7
崇真	9	3
沙官	7	1
蘇淅	1
培英	1	1
林裘謀	1	1
聖羅撒	3	2
林漢光	1
聖心書院		18	7	8

共81人 (64.3%) 入英中（全級共126人）

學校聯絡資料

地址：新界沙田大圍美田路1號
電話： 26912171 傳真：26021110
電郵： info@ihms.edu.hk
網址： https://www.ihms.edu.hk

總結

屹立沙田56年嘅聖心小學一直都係88校網入面其中一間廣受歡迎嘅小學。加上有聯繫幼稚園嘅關係，部分學位會預留俾聖心幼稚園，有心考嘅家長不妨上網睇多啲有關面試嘅資訊，做好準備。

【延伸閱讀】由傳統科目之新興科目全方位學習－沙田區91校網名校浸信會呂明才小學

【延伸閱讀】全人發展－照顧學生學術以至身心靈發展－油蔴地天主教小學

【延伸閱讀】秉承校訓教育人群－帶你了解全港小學排名第三嘅第一男校【喇沙小學】

**現在從Blog 下方按鈕轉載到 Tutor Circle 尋補網站，並輸入優惠碼 ”TCBLOG2020“ 即可有$20學費減免，事不宜遲，馬上去搜索適合導師上課吧**

此文章純屬 Blogger 個人分享，並不代表本網誌立場。