自2012 年後，香港考評局停辨俗稱A- Level 嘅香港高級程度會考，象徵住一個時代嘅完結。而家嘅學生行緊三三四嘅學制，三年初中，三年高中，四年大學，然後以一次文憑試，再經JUPAS （大學聯招系統）獲得大學學位。同以前嘅高考模式大有不同。究竟以前嘅 A- Level 係點嘅呢？同英國嘅 A-Level 又有咩關係？今日就等我地 Tutor Circle尋補 話你知啦！
封面圖片來源
目錄
A- Level 究竟係啲咩？
A- Level 全名係香港高級程度會考，以住學生要係中五嘅會考取得好成績先可以原校升讀，如果唔係就要周圍撲學校讀中六同中七嘅預科課程，甚至冇得升學。A- Level 由1980年開始，總共舉辨咗34年。而34年間，A- Level 都經歷過唔少變動，例如 2001 年推出中六優先取錄計劃，俾大學優先取錄成績優異嘅學生。A- Level 同 HKDSE 嘅科目大有不同，學生亦要選擇文科或商科理科，有別於而家嘅考生可以自由選科。A – Level 嘅難度亦都比會考同現今HKDSE嘅課程艱深，亦都有特別嘅科目例如 “政府與公共事務”、“心理學”等等，課程更加貼近大學嘅課程。所以以往想應考A- Level嘅話都要有一定程度嘅資格，要係會考考到 3科 5分以上，同係中英科攞到E級，即係而家嘅 Level 2。因為應考A- Level嘅學生已經經過會考，所以入大學率高達65%。
咁GSE A- Level 又係啲咩？
Copyright © 2024 Tutor Circle 尋補. All rights reserved. 此文章未經許可，不得轉載。
Copyright © 2023 Tutor Circle 尋補. All rights reserved. 此文章未經許可，不得轉載。
GSE A-Level 係英國嘅高級程度會考。程度比以往嘅香港A-Level 淺，競爭亦比而家嘅DSE 少。舉個例子，以 2017年為例，係GSE A-Level 考獲A或以上等級嘅人有26.9%，而係DSE 考獲 Level 5 或以上嘅就大約係12.6%。而比起香港 1:4 嘅大學學位，英國嘅學位就充裕得多，學位比人仲要多。而且GSE A-Level 嘅科目選擇都多好多，涉獵多啲專業範籌，例如音樂、戲劇、心理學等冷門科目，等學生可以發展自己嘅興趣。而一般GSE A-Level 嘅學生只需要應付三至四科，相比起HKDSE 嘅學生要讀六至七科輕鬆得多。而GSE A-Level嘅成績亦受世界各地嘅大學應可，包括香港嘅大學。所以如果經濟能力許可嘅話，去英國讀GSE A-Level亦係一個唔錯嘅選擇。
點升讀 GSE A- Level ？
如果有意升讀GSE A-Level同學最好中五完成學業後，就去英國完成二年嘅預科課程，再應考GSE A-Level。如果係中四嘅同學仔就要成績優異先會作考慮。如果中六升讀嘅話就要讀一年制嘅預科課程，或者成績嘅話亦有機會直接升讀大學。同學仔亦都可以揀寄宿學校或者高中學院，亦可以部份提供彈性高考課程嘅私立大專或者國際學校，分三學期或五學期，彈性處理高考課程。
總結
A- Level 象徵住一個時代嘅結束，無可否認嘅係，A- Level 同 DSE 都各有可取之處。希望上述嘅內容可以幫到你地，加深對A- Level同GSE A-Level嘅認識。無論大家用咩方法升學，都希望你地可以讀得開開心心。
【延伸閱讀】點解要學西班牙語？呢種語言究竟有咩好？
【延伸閱讀】【海外升學】香港IB學校一覽
此文章純屬 Blogger 個人分享，並不代表本網誌立場。
想追返學校進度？Tutor Circle尋補有超過35,000個三大導師，最快兩小時幫你搵一個優秀既上門導師！
DSE讀得咁辛苦，想活用知識黎賺下外快？
緊貼尋補 Blog、Facebook同Instagram，想尋補？搵Tutor Circle！
Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式
其他人還看了……
中學排名 呈分試 升中面試 英文補習
大學收分 Jupas 副學士 DSE筆記
大學五件事 私補價錢 Ocamp 暑期工
生日好去處 IQ題 任坐Cafe
我係科大畢業嘅傻仔一名，鍾意砌CODE。
