【2020全港幼稚園學費一覽】想贏在起跑線？

Post author:傻人一名
Post category:學校簡介
Post published:2020-05-30
Post last modified:2020-05-30

唔少家長都望子成龍，希望仔仔囡囡贏在起跑線。因此唔少家長都會選擇私立幼稚園，究竟各大熱幼稚園嘅學費係幾多？為你嘅小朋友準備多啲啦！即刻跟我地 Tutor Circle尋補嚟睇一睇啦！
封面圖片來源

天主教聖瑪加利大幼稚園

9728f800af29eafdc7680bdf8c53daaa.jpg (1140×760)

圖片來源

天主教聖瑪加利大幼稚園位於灣仔區，校園佔地約二千平方米，仲有唔同嘅設施俾小朋友進行多元化嘅生活。學校著重品德教學，校風純樸，成績優異，唔少畢業生都升讀聖保祿天主教小學、聖若瑟小學、嘉諾撒聖方濟各小學、瑪特曼小學，等名校小學。所以成為家長之間嘅大熱。學校團體係非牟利機構，而學費方面，每月學費為$4080（2019-2020年度）。

寶山幼稚園

n06063006d_big.jpg (474×400)

圖片來源

寶山幼稚園位於渣甸山，被喻為係幼稚園界嘅史丹福、哈佛。坊間形容佢為神級名校嘅跳樑板，唔少名人嘅小朋友都係讀呢一間幼稚園，例如歌神張學友女兒張瑤華、四叔李兆基孫女等等，所以入讀嘅小朋友大多都係家境富有。學費方面，全年學費為 $116,640，分 12 期，即每期學費約 $9720。

聖公會幼稚園

聖公會幼稚園.jpg (1023×678)

圖片來源

聖公會幼稚園位於銅鑼灣，前身為聖保羅男女學校附屬幼稚園，後來改名做聖保羅私立幼稚園。1953年先改名為聖公會幼稚園，升學方面，唔少畢業生都升讀直資名校，例如聖保羅書院小學、聖保羅男女中學附屬小學等。而自行派位成績亦唔錯，例如聖公會聖彼得小學、聖若瑟小學等等。學費方面，全年學費為 $51020，分 10 期，即每期學費約 $5102。

民生書院幼稚園

gA8HeTaTs9z3VrjNRT6RqG_fO2PxLZGQJ3XIQyd1yEM (599×337)

圖片來源

如果家長們想買個保險，民生書院幼稚園絕對唔錯嘅選擇。民生書院幼稚園、小學、中學，使用同一個校舍，佔地面積超過15,600平方米，有唔同嘅校園設施共用。小一銜接方面，民生書院幼稚園嘅學生會優先取錄，民生書院小學預留了不少於百分之八十五的小一學額。學費方面，全年學費為$44,200，分10 期，即每期學費約$4420。

聖保祿幼稚園

2.jpg (694×512)

圖片來源

聖保祿幼稚園位於銅鑼灣，前身為聖保祿學校之附屬幼稚園。聖保祿幼稚園行政獨立，但同中學同小學部有聯系。所以70% 畢業生都會升至聖保祿學校（小學部），亦有其他畢業生升讀拔萃男書院附屬小學、喇沙小學等，成績相當唔錯。學費方面，全年學費 $33,790，分 10 期，即每期學費約 $3379。

【延伸閱讀】【補習知多d】幼稚園應唔應該補習？
【延伸閱讀】【CP值高】相比傳統名牌幼稚園毫不遜色的信義中英文幼稚園

此文章純屬 Blogger 個人分享，並不代表本網誌立場。