【出路】想做金融才俊？地產代理考試你又知幾多？

Post author:傻人一名
Post category:升學出路
Post published:2020-05-30
Post last modified:2020-05-30

咁多位男同學有冇想像過自己日日著住西裝返工？！其實唔洗好高學歷你都可以日日著西裝！而呢個職業就係地産代理啦！如果你自認英俊瀟灑，口齒伶俐，咁你就唔可以錯過以下文章啦！原來做地產代理要考試？即刻跟我地 Tutor Circle尋補嚟睇一睇啦！
封面圖片來源

地產代理做啲乜？

winn20180302012_2500x2500_1024.jpg (1024×576)
圖片來源
地產代理負責房屋中企的工作，係賣家同買家之間做代理人，完成交易後，靠佣金作為收入。好多人會認為做地產代理好Free，但其實做地產代理要 On Call 36小時，因為要隨時回覆客人問題，所以唔少資深嘅地產代理都話基本上係冇休息。做地產代理都要有專業知識，所以會有考試俾大家去考牌。地產代理係賣服務，所以要有好好嘅情緒管理，無論咩情況都要沉著道氣，所以地產代理都唔係咁易做㗎！

點報名地產代理考試？

application-3695107_1920_new.jpg (1024×577)
圖片來源
地產代理考試由地產代理監管局主辦，而地產代理考試就會係筆試，考試費用係$800。如果你想今年參加考試，開始報名日期係2020年5月11日嘅9時正，考試日期就係2020年6月12日。而報名方法有4個，第一，你可以選擇親身到職業訓練局高峰進修學院考試中心辦事處遞交申請表格，截止日期為考試前兩星期，記得要帶備你嘅身份證，你可以用現金、易辦事，或信用卡（Visa／萬事達／銀聯）交考試費。第二，你可以選擇委托他人交去辦事處交報名表，考生代表要帶備你的身份證副本或圖像，截止日期同繳交方法同上邊一樣。第三，你可以選擇用網上報名嘅方法，上考試中心網頁（www.vtc.edu.hk/cpdc）報名，截止日期係2020年5月29日，只可以用信用卡嘅繳交方法。第四，你可以透過郵寄嘅方法遞報名表，記住要連埋你嘅身份證副本同考試費嘅劃線支票戓者銀行本票，連埋有足夠金額嘅郵票。而截止日期係2020年5月22日。日期由郵戳日期為準。考試中心會係收到報名表之後透過電話訊息通知你，如果你係遞交郵件後過咗7個工作天都收唔到通知，咁你就要打電話去考試中心問一問，有可能要親身去辦事處處理了。

地產代理考試會考乜？

_easy_pass____textbook__1478784209_4771f3d0.jpg (640×640)
圖片來源
地產代理考試會圍繞《地產代理條例》，亦都會有個案分析。而地產代理監管局嘅網頁（http://www.eaa.org.hk/zh-hk/Examination/Online-Mock-Examination）亦都有提交網上模擬考試，俾試題大家參考。不過答啱曬網上模擬考試都唔代表考試都係出呢啲題目。所以如果你報咗名參加考試，記得要温熟考試內容啦！