英國大學排名

【英國升學】有咩出名英國大學?2022英國大學排名!

唔少人都會選擇去英國升學,而英國嘅大學排名都非常高,唔單之有牛津、劍橋大學嘅名校,其他大學嘅表現都非常出色。想知有咩英國大學出名?2022嘅大學排名已經新鮮出爐啦!即刻跟我地 Tutor Circle尋補 睇下啦!
 

TOP 1 牛津大學

英國大學排名
圖片來源

牛津大學(University of Oxford),係英國排名第1嘅大學。2022嘅QS 世界大學排名係第2位,係世界著名嘅六大學府之一。牛津大學係各學科嘅表現都十分著名,包括數學、物理、醫學、法學、商學、文學等多個領域。根據2022嘅QS 大學學科排名,牛津大學係人文學科中嘅多個科目都係世界排名第1,而醫學嘅相關科目亦係前3名。其他科目都幾乎全數係世界前10名。
 
作為英國第一大學,世界頂尖學府,要考入去都相當唔容易,而且報讀程序非常複雜,首先要遞交DSE嘅 Predicted Grade,而收生基本要求,文憑試考生須有3科選修科達5級或以上,IB考生須達38至40分或以上。仲要遞交個人陳述、學校推薦信,同埋通過入學試,先有機會獲得面試機會。所以有志讀牛津大學嘅同學,最好要搵個升學顧問問下,及早準備啦!
 

TOP 2 劍橋大學

英國大學排名
圖片來源

劍橋大學(University of Cambridge),係英國排名第二嘅大學,同牛津大學不分上下,Complete University Guide 同 Guardian 亦將劍橋大學列為英國大學排名第一。而劍橋嘅2022QS 世界大學排名係第4位。而係2020年QS世界大學學科排行榜中,劍橋係人文學科方面只係僅次牛津大學,位列世界第3。而醫學嘅相關科目亦係前5名內。
 
同牛津一樣,要考入劍橋都係要過五關斬六將,首先要遞交DSE嘅 Predicted Grade,而收生基本要求,文憑試考生需要兩科選修科達5*級或以上、1科5級或以上,IB成績則要達40至41分或以上亦都需要呈交個人陳述、學校推薦信,仲要通過入學試,先有機會獲得面試機會。

TOP 3 倫敦帝國學院

英國大學排名
圖片來源

倫敦帝國學院(Imperial College London),係英國排名第三嘅大學。2022嘅QS 世界大學排名係第7位。帝國學院專注於醫學、理工、商學,以呢幾個學科嘅世界排名都相當之高。根據2022嘅QS 大學學科排名,帝國學院嘅醫學排名第12,而同工程有關學科就常居第8位。


Copyright © 2022 Tutor Circle 尋補. All rights reserved. 此文章未經許可,不得轉載。
Copyright © 2022 Tutor Circle 尋補. All rights reserved. 此文章未經許可,不得轉載。

TOP 4 倫敦大學學院

英國大學排名
圖片來源

倫敦大學學院(University College London),係英國排名第四嘅大學,同牛津大學、劍橋大學並列為金三角名校。2022嘅QS 世界大學排名係第8位,而係2022年QS世界大學學科排行榜中,UCL係人文學科方面嘅科目都係前20名內。而醫學嘅相關科目亦係前10名內。
 
要考入倫敦大學學院,絕大部份學生都會選擇經 UCAS(英國高等學府報名系統)於網上遞交資料。如果有意考醫學嘅相關科目或者法律系,都有特定嘅入學試。
 

TOP 5 愛丁堡大學

英國大學排名
圖片來源

愛丁堡大學(University of Edinburgh),係英國排名第五嘅大學,位於在蘇格蘭首府愛丁堡市。2020嘅QS 世界大學排名係第16位。愛丁堡大學嘅語言學最為著名,2022嘅QS 大學學科排名係第5名。而作為歷史悠久獸醫學院係世界第3名。而自然科學嘅相關學科都有前30名嘅佳績。
 
延伸閱讀:
【海外升學】澳洲大學排名
【海外升學】美國大學排名
【海外升學】選擇美國升學前要知道的三件事


*此文章由 Blogger個人/編輯團隊 分享並僅供參考,意見及內容並不代表本網誌立場,Tutor Cricle 尋補 對信息或內容所招至的損失或損害,不會承擔任何責任。


尋補?Tutor Circle!


留言