【美國升學】DSE要求幾高？去美國讀書前要知道的三件事

Post author:傻人一名
Post category:升學出路
Post published:2020-05-30
Post last modified:2020-05-30

唔少學生升讀高中嘅時候都會考慮海外升學，而擁有眾多名校嘅美國，固然係各位香港名校生嘅熱門之選！到底美國升學有啲乜要注意？DSE要求有幾高？又要準備啲乜？想子女入美國的名校有乜秘訣？即刻跟我地Tutor Circle尋補 睇下美國升學有咩要留意同埋準備啦！

美國教育理念與制度

美國嘅中小學教育制度係12年，包括第1至6班嘅小學，同埋第7至12班嘅中學。美國嘅中小學有私立同公立之分，公立中學只會接受短期嘅交換生；而私立中學就好歡迎海外學生入讀，亦都會配合宿舍俾海外學生。如果海外學生要入讀美國嘅中學，而係美國升學，就需要考IELTS 或者 TOEFL ，評核基本嘅英文能力。另外仲有一個中學嘅入學試 SSAT，考試包括寫作、詞彙、閱讀理解和數學 4 部份，而寫作唔包入總分，而係俾學校作為參考。
美國同香港嘅教育理念最大嘅分別就係美國嘅教育會偏向培養專才，例如美國嘅大學入學試可以揀考SAT 或者 ACT，SAT就比較偏向文科；ACT比較偏向理科，學生可以根據自己嘅能力或興趣同埋想揀嘅大學科目而選擇。而香港嘅教育就對學生嘅綜合能力要求多啲，例如DSE 就需要大家有 3322，大學亦會睇整體分數而收生。所以如果你認為自己係某一方面嘅成績比較突出，美國嘅教育可能會比較適合你。

2+2 社區學院

如果係DSE失手，或者係部份科目成績唔理想，未能達到大學嘅標準，可以考慮美國升學。美國嘅社區學院（Community College）發展得比香港成熟，升學銜接方面都較有保證。甚至更易入到熱門嘅學校。學生可先修讀副學士課程，再銜接大學嘅三年級。
而美國嘅社區學院（Community College）入學門檻較低，只有基本嘅入學要求，學生只需要完成中六課程或年滿17歲，符合學院要求嘅TOEFL 或 IELTS成績。同埋提供經濟能力證明 (最少1年學費及生活費) 。

4年制大學

如果你嘅成績比較標青，可以直接考慮入讀4年制大學嘅學士學位。但如果決定報考美國嘅大學，就最少要準備早一年時間準備，考定所需要嘅考試成績。而美國升學嘅學費都比較貴，加埋生活費同簽證費，大約係HK$213,250-HK$561,250。而價錢會根據唔同嘅大學同學科而有所唔同，所以有Target 嘅同學要及早查清楚學費，考量下屋企嘅經濟能力啦！

總結

美國的確比較多高排名嘅大學，所以每一年都會有好多世界各地嘅人慕名而來。而且美國嘅大學唔係只係成績就可以，好多時佢地都會注重面試表現，同埋考慮埋推薦信等等嘅因素。所以最好都係揾個專業嘅升學顧問，好好咁安排一下。
延伸閱讀：
【海外移民】點樣移民去美國？
【海外升學】最新英國大學排名
【海外升學】最新美國大學排名