海外升學-澳洲-移民
澳洲升學

【澳洲升學】澳洲升學必知三件事!IELTS成績合格就得?

除咗英國同美國,澳洲都係升學嘅熱門地方。而「澳洲八大名校」係世界大學排名有相當高嘅位置,海洋學同物理治療等都係澳洲頂尖嘅科目。想知點樣係澳洲升學?IELTS成績合格就得?澳洲升學有什麼要注意?喺澳洲升學絕對對移民有幫助?即刻跟我哋 Tutor Circle尋補 睇下啦!於下方按鈕留下電郵並follow 尋補LinkedIn/Facebook,即可免費獲得2021呈分試攻略及2020-2021升中派位指南*,同時查看 2020香港中學最新排名TOP100*內附名校詳細分析

1. 澳洲教育理念與制度

澳洲升學的中學科目比香港豐富
澳洲升學的中學科目比香港豐富 (圖片來源)

澳洲嘅中小學教育制度係12年,中學同小學各 6 年,而大學一般係 3 年。澳洲嘅中學分為公立同私立,兩種都收海外學生。公立學校一般會將學生安排去寄宿家庭,而部份私立嘅中學會提供宿舍。

公立學校嘅入學門檻較低,學校只需要校內成績而唔洗另外考試。而因為係政府資助,學費亦比較平,視乎返所讀嘅年級,大約係$13,364-$15,112 。而私立嘅學費就會比較貴,但同時間私立嘅師資、規模等等都會比公立嘅學校好,私立學校嘅升學率都比較高。而公立學校只會開放有限嘅學位俾海外學生,所以如果經濟能力許可嘅話,唔少家長都會選擇私立。

澳洲升學嘅中學科目比香港豐富,學生可以揀政治、心理、法律、航空學等香港無嘅科目,發掘更多唔同嘅潛能。


Copyright © 2021 Tutor Circle 尋補. All rights reserved. 此文章未經許可,不得轉載。
Copyright © 2021 Tutor Circle 尋補. All rights reserved. 此文章未經許可,不得轉載。

2. 澳洲的大學基礎課程 

澳洲升學有特別畀海外學生嘅大學銜接課程
澳洲升學有特別畀海外學生嘅大學銜接課程(圖片來源)

澳洲升學有特別畀海外學生嘅大學銜接課程。入讀大學基礎課程嘅學生只需要唔錯嘅中學成績加上合格嘅 IELTS 成績。而大學基礎課程嘅最大特色就係令海外學生無洗考公開試,只要達到左基礎課程嘅成績要求,就可以升讀聯繫大學嘅學位課程。而基礎課程省卻左預科課程需要嘅時間,升學都較有保證。而英語未達標嘅學生就需要先修讀英語課程再入讀基礎課程。所以好多同學都會選擇呢條路。

除咗基礎課程,澳洲亦有捷徑課程俾學生選擇。捷徑課程通常由私立機構建立,直接聯繫大學。課堂亦會係聯繫嘅大學到上,俾學生享受大學生活。而課程分成兩種,中五嘅學生可以報讀證書課程,而完成中六嘅學生就可以報讀文憑課程。修讀文憑課程嘅學生可直上大學二年級。所以係澳洲升學真係有唔同嘅路可以揀。

3. 澳洲升學移民

澳洲升學
澳洲升學移民(圖片來源)

相信大家都好關心移民嘅問題,想移民去澳洲靠升學有冇得諗?係澳洲升學絕對對移民有幫助。因為係澳洲嘅技術移民政策入面,如果獲得澳洲大學嘅學士學位係可以加15分,而有意移民嘅人係需要有65分先可以遞交申請,所以有個學位真係加唔少分㗎。如果有意移民嘅學生,可以考慮攻讀工程類、IT 計算機類、設計類、醫療護理類、教師類、社工系等專業。

總結

升學嚟講,小編都覺得澳洲係一個唔錯嘅升學地方。不過咁多條路,真係要揾個澳洲升學顧問問下先,睇下邊條路先最啱。天無絕人之路,各位同學記住就算DSE衰咗都唔洗灰心㗎!

延伸閱讀:

【DSE vs IB】讀IB比DSE更容易攞高分?對比課程6大不同!

【加拿大升學】世界頭3?加拿大升大學有咩好

【英國升學】2020英國大學排名

留言