【美國移民】點樣移民去美國?5個移民方法及條件一覽

近年移民變成咗熱門話題,相信大家都有睇過唔同嘅資料。唔知大家有冇諗過移民去美國呢?想知點樣移民去美國?其實移民去美國有5種方法嘅,即刻跟我地 Tutor Circle尋補 睇下不同美國移民的方法及條件。
延伸閱讀:【移民攻略】Working Holiday都可以變移民?4個英聯邦國家的工作簽證


1. 技術移民

移民美國
美國嘅技術移民分咗3種,亦有優次之分。圖片來源

美國嘅技術移民分咗3種,亦有優次之分。最為優先嘅係傑出人才移民(EB-1),主要接納係科學、藝術、教育、商業、或體育五大領域中具有特殊才能,有出色成就嘅人材,或者係科學或學術領域取得國際名譽嘅教授同研究人員,獲跨國公司調任到美國工作嘅高級職員都係屬於第一優先。第二優先(EB-2)係年齡同語言方面無要求,但就要求申請人有專科文憑或技術證書,或者學士、碩士、博士學位學士學位,亦要求申請擁有 5 年相關工作經驗。第三優先(EB-3)係年齡方面有限制,申請人需要係18–50歲,但係語言、學歷、工作經驗方面就冇要求,但就業方面就需要有當地僱主認證。以上述嘅技術移民所遞交嘅工作經驗都需要有當地顧主證明。而技術移民嘅申請人亦可以為配偶同子女申請綠卡,一同移民。
 

2. 親屬移民

移民美國
如果你嘅配偶是美國公民,就可以申請親屬移民簽證。圖片來源

如果你嘅配偶是美國公民,就可以申請親屬移民簽證。結婚未滿 2 年嘅就只可以申請 CR1 簽證,即係有條件限制嘅綠卡,而結婚滿 2 年就可以申請 IR1 簽證,攞到十年嘅綠卡。如果你係申請人嘅子女,未婚而係21歲以下,就需要另外再申請 IR2 或CR1簽證(專屬美國公民子女嘅簽證)。如果你係美國公民嘅未婚配偶,就需另外申請未婚夫或妻簽證。如果你係美國公民嘅非直系親屬,可以申請家庭優先移民簽證,但美國政府每年對呢類簽證都有數量限制。



3. 投資移民

移民美國
移民美國(圖片來源

投資移民只接受18歲以上嘅申請人,而係語言、學歴、工作經驗方面均無要求。投資移民嘅申請人需要喺當地投資最少 50 萬美元,同創造 10 個全職就業職業空缺。美國現時有10,000個特有簽證計劃予申請人嘅未婚子女,申請人可以為配偶同其21歲以下的子女申請附屬綠卡,享有與當地居民一樣嘅就業機會同教育福利。


Copyright © 2022 Tutor Circle 尋補. All rights reserved. 此文章未經許可,不得轉載。
Copyright © 2022 Tutor Circle 尋補. All rights reserved. 此文章未經許可,不得轉載。

4. 抽籤移民

移民美國
美國每年都會推出「抽籤移民計劃」(圖片來源

美國自 1990 年起,每年都會推出「抽籤移民計劃」,隨機抽出 50,000 位申請人士發配「多元化移民簽證」(Diversity Visa)。而申請人只需要有高中或同等學歷,或者過去5年有2年嘅工作經驗。申請人需要先係網上申請,之後會有移民簽證面談。不過因為今年嘅疫情影響,美國嘅移民政策有微調。所以各位要先上美國領事館嘅網頁睇睇先啊!

5. 庇護移民

移民美國
庇護移民係提供俾其他國家受到政治迫害嘅人圖片來源

庇護移民係提供俾其他國家受到政治迫害嘅人,申請人需要係美國移民局申請庇護身份,成功獲批嘅申請人要等一年先可以攞到綠卡。

總結

如果你自問英文唔錯,美國都係一個唔錯嘅移民之選。希望以上嘅野幫到你啦!小編係到祝願大家都可以係鐘意嘅地方到定居。
延伸閱讀:
【美國升學】DSE要求幾高?去美國讀書前要知道的三件事
【海外移民】移民去日本有咩條件?
【海外升學】2020美國大學排名


*此文章由 Blogger個人/編輯團隊 分享並僅供參考,意見及內容並不代表本網誌立場,Tutor Cricle 尋補 對信息或內容所招至的損失或損害,不會承擔任何責任。


尋補?Tutor Circle!

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

留言