You are currently viewing 【大學生活】人人都話大學5件事…但係上莊真係啱你咩?

【大學生活】人人都話大學5件事…但係上莊真係啱你咩?

人人都話大學要上莊,但係大學上莊真係適合每一個人咩?大學5件事,就係讀書、上莊、拍拖、住hall、Parttime兼職,咁究竟係唔係做齊先叫一個大學生呢?其實大學生活唔一定要同其他人一樣先叫好嘅大學生活。每個人都有自己獨立又精彩嘅人生,當然上莊都係一種好特別嘅體驗,大家都可以嘗試一下!為左令到各位同學唔好上錯莊或者後悔上莊,今日就俾Tutor Circle尋補黎同大家一齊探討一下上莊啦!

 

上莊應該點揀

作為一個「新鮮人」,入到大學之後各種各樣嘅莊都係度向你招手。咁係黎啲咁多選擇嘅時候應該點選擇呢?首先,大學裡面嘅莊分幾種類型嘅;有Hall莊,有活動莊,有行政事務性質嘅莊,要上咩莊就係睇你鍾意chur,定係鍾意輕鬆搞活動,定係長期同學校開會處理學生事務啦!上莊類別嘅抉擇好重要,上莊之前做錯決定可能會導致你四年大學生涯都係度後悔㗎!所以一定要唸清楚先好決定自己要吾要上莊啊!

延伸閱讀:【大學生活】係咪一定要做齊大學五件事先叫讀過U?

下載GRWTH手機應用程式,即可使用消費券Alipay HK, WeChat Pay HK 及 Tap & Go繳付學費並享$20學費減免優惠。【請於GRWTH Pay上選取扣減$20後的學費】

上莊

做錯決定,可能會後悔好耐


Copyright © 2021 Tutor Circle 尋補. All rights reserved. 此文章未經許可,不得轉載。
Copyright © 2021 Tutor Circle 尋補. All rights reserved. 此文章未經許可,不得轉載。

 圖片來源

上莊要做啲咩㗎

上莊要做嘅野其實都大同小異嘅,通常都離唔開幾樣嘢。分別就係宣傳、諮詢、搞活動。大家應該都聽過傳說中嘅「老鬼」文化啦。咁其實佢係咩黎嘅呢?「老鬼」其實就係以前都係上左黎支莊嘅人,佢地會用自己嘅經驗同埋文化質問你;諮詢時長由幾個鐘到30個鐘都有,視乎你支莊係唔係chur嘅莊啦!宣傳期通常都會係上莊生活裡面最辛苦嘅一環,因為日日都要唸辦法去搵合資格嘅人幫你投票,不過一堆人一齊為同一個目標去努力都係幾青春幾熱血嘅!搞活動,都係上莊重要一環,大大小小各種活動都要親力親為㗎。好多野人生只係得一次,小編希望大家都可以體驗到熱血嘅上莊文化,感受其中一種獨特嘅大學生活。

上莊

其實小編都想試下做老鬼反下檯咁>.<      圖片來源

 

上莊嘅好處壞處

其實,任何事都可以兩面睇。上莊嘅好處在於可以識到一班人,你地會一齊經歷好多好難忘嘅嘢,你地可能到最後會係一班一世嘅朋友;係搞左咁多活動之後,你會學識點樣可以平衡讀書同上莊,係上莊嘅同時學識唔同技能,好似Photoshop、R sponsor、同學校行政人員開會等等。至於上莊有咩唔好嘅嘢呢,就係你可能要面對好多人際關係問題。人一多交集同磨擦就會多是非,一班人一齊做野嘅過程難免會有意見不合嘅時候,而唔係個個都可以克服到;另外,要balance讀書同上莊都真係唔簡單,兩面嘅工作量都好大,所以有d同學真係未必可以好好平衡到,分分鐘要面對爛grade嘅危機>.<!!

延伸閱讀:【大學生補習】大學生也離不開補習 (☉д⊙)

上莊

真係會爛grade?!

圖片來源

 

有份搞ocamp、學校活動嘅你,Tutor Circle尋補推出左2021學會贊助計劃,只要完成目標導師註冊人數,即可獲得無上限現金贊助。大學咁多同學仔,ocamp、oday又咁多新生,推薦佢地註冊無難度啦!Tutor Circle嘅導師,係一份可以無限次申請補習個案,時薪$130-300、彈性工作時間嘅兼職。即日至9月註冊,更可獲Foodpanda Mall半價優惠^。

了解尋補 Sponsor詳情

 

總結

最後,其實想同各位講,大學生活多姿多彩各式各樣,唔同人唔同方式都可以活出屬於自己獨特嘅色彩。但係前提都係大家一齊努力讀書入左大學先!大學生活咁吸引,大家一齊好好準備DSE 然後大學嘅時候江湖再見!

延伸閱讀:【入大學】推介比選科、DSE,行錯咗路嘅你:自修,retake之路照樣通大學

 

留言