【學前教育】PN班對小朋友有咩得益?點解要報?

Post author:Estherccy
Post category:升學出路
Post published:2020-06-15
Post last modified:2022-11-21

依家好多家長都會好早就幫小朋友報學前教育班，希望佢地可以喺上緊學前教育班個時認識同接觸多啲其他小朋友，俾佢地一齊玩，甚至希望透過學前教班可以學到一啲生活技能或者小知識。咁究竟幫小朋友報學前教育班又有咩好處呢? Tutor Circle尋補就為大家講解下幫小朋友報學前教育班有咩好處，如果家長仲諗緊幫唔幫小朋友報學前教育班嘅話，不妨睇完再決定報唔報。

1. 學前教育小簡介

喺著眼各種能力發展及同學業成績嘅推動下，為小朋友而設嘅學前教育已經成為現階段培育小朋友嘅起點。學前教育係指於日常滲透影響嘅啟蒙發展內容，主要通過小朋友基礎人格形成之前進行教育以達到促成佢地性格健全嘅目的。

2. 學前教育好處

2.1 小朋友學習自理

相信家長咁早就幫小朋友報學前教育班嘅其中最重要嘅原因一定係想令小朋友可以提早學識自理嘅技能。學前教育班嘅老師除左會同小朋友一齊玩遊戲之外，仲會從遊戲當中訓練佢地一啲嘅生活小技能同埋培養自理能力，例如老師會教識佢地自己著鞋除鞋、食野前要洗手、聽老師指示等等嘅小技能，從而令小朋友可以提早學識生活技能，獨立能力以及良好學習同行為習慣，同時令佢地加快適應幼稚園嘅生活。另外，呢啲學前教育班仲會安排唔同嘅活動，例如唱歌、做手工等等，令佢地學識唔同嘅能力。

2.2 提升小朋友溝通能力

香港依家大多數都係核心家庭，唔少小朋友都係獨生子女，所以佢地平時係屋企淨係同屋企人相處同溝通，比起好多有兄弟姊妹嘅小朋友少左機會去接觸其他同齡嘅小朋友，少左好多同同齡小朋友相處嘅機會。如果小朋友參加學前教育班嘅話，就可以令佢地多啲機會接觸其他小朋友，可以一齊玩嘅同時仲可以增強佢地與人溝通，分享嘅技巧。

2.3 建立良好親子關係

參加學前教育班除左對小朋友有幫助外，對在職或者新手嘅父母都有好處，學前教育班俾左一個機會父母陪小朋友一齊上堂玩遊戲，因為有啲小朋友一睇唔見父母就會喊，而家長可以陪佢地一齊上堂嘅話，會帶俾小朋友安全感！仲可以透過上堂嘅時候同子女有更多嘅溝通同交流，促進親子關係。另外，家長仲可以透過學前教育班中觀察子女嘅表現，發掘下佢地有咩長處同興趣。

總結

睇到黎呢到嘅你地唔知對學前教育嘅認識有無多左呢? 其實幫子女報讀學前教育班好多好處架，唔單止對小朋友有好處，對家長都有得益！家長仲可以係學前教育班到識到其他家長，一齊交流育兒心得等等，所以唔止係小朋友可以識朋友，家長都一樣可以識新朋友架！家長不妨可以考慮下幫小朋友參加學前教育班啦！

此文章純屬 Blogger 個人分享，並不代表本網誌立場。

想追返學校進度？Tutor Circle尋補有超過50,000個三大導師，最快兩小時幫你搵一個優秀既上門導師！

想搵一個合適既私補老師

DSE讀得咁辛苦，想活用知識黎賺下外快？

想搵好多好多私補學生

緊貼尋補 Blog、Facebook同Instagram，想尋補？搵Tutor Circle！

Z世代修辭手法 Ocamp
英文補習上莊中文補習議論文
 slp smaple 補習網數學補習
 大學五件事綜合格式