【虛擬銀行】有咩賣點 ? 同傳統銀行有咩分別 ?

Post author:Estherccy
Post category:小編分享
Post published:2020-06-15
Post last modified:2020-06-15

香港作為亞洲金融中心，近年來大力推動發展金融科技( Fin tech)，有好多間虛擬銀行（Virtual Bank）開始冒出，而虛擬銀行亦都係政府主力想要培養嘅重點行業之一，今次Tutor Circle尋補就為大家講解咩係虛擬銀行，有咩優勢，同傳統銀行又有咩分別。

咩係虛擬銀行?

根據香港金管局對虛擬銀行嘅定義：「虛擬銀行」係指主要透過互聯網或者其他形式嘅電子傳送渠道，而非實體分行提供零售銀行服務的銀行。

虛擬銀行的優勢

1. 毋須親身開戶

首先，虛擬銀行為左想配合市場競爭，而減低實體分行嘅租金，人工等等嘅營運成本，所以係無設立實體分行，虛擬銀行唔似傳統銀行咁要去到分行到完成銀行服務，佢地只會俾客戶透過網絡去完成銀行服務嘅手續，客戶只需要用手機掃描身份證、自拍，然後再遞交所有所需文件，所以客戶開戶嘅過程同手續都會變得比較簡單化，例如信用卡、貸款申請時間亦會比起傳統銀行較短。

圖片來源

2. 低收費、不設最低結餘要求

以我地所了解嘅傳統銀行都會設立最低戶口結餘，若如果客戶嘅存款金額係低於過指定存款金額，銀行就將會收取HK$100至HK$300不等嘅手續費。相反，虛擬銀行為左達致促進普及金融嘅目標，同埋吸引用開傳統銀行嘅客戶，所以虛擬銀行就無設立最低戶口結餘要求，或者向客戶收取低戶口結餘收費，相信虛擬銀行可以因此而吸引更多年輕客戶、少量存款客戶，以及相對低收入基層客戶使用虛擬銀行。

3. 24小時手機銀行

虛擬銀行因為無實體分店嘅關係，所以客戶只需要用手機就可以辦理所有銀行服務同手續，最方便就係客戶唔需要到銀行分行排長龍，全天候透過手機使用銀行服務，從而慳左好多時間，實現遙距開戶。另外，虛擬銀行仲因此而促進金融科技發展，例同未來係大大推動發展虛擬信用卡、跨境支付、虛擬保險等金融服務等發展。

圖片來源

與傳統銀行的分別

虛擬銀行	傳統銀行
不設實體分行，所有銀行服務，都需透過電腦，手機進行	有實體分行和網上銀行
只服務香港本地個人和中小企客戶	國際個人和企業客戶
初期只經營存款和貸款業務	多方面銀行服務：存款，理財，保險，按揭等
網上開戶	實體分行開戶