當年廣告話養大一個小朋友要四百萬，但唔經唔覺，呢一個已經係10年前嘅數字，經過左咁多年黎嘅通脹，今時今日要喺香港地為小朋友供書教學，真係難為家長不斷燒錢。不過，好在香港政府有為學生提供唔同嘅資助計劃，減輕家長嘅經濟壓力，學生亦能夠專注學業。視乎學生嘅年紀，政府有分別為中小學生同埋大專生提供唔同嘅資助，資助內容同埋門檻都有所分別，一齊同Tutor Circle尋補睇吓你係咪合資格申請啦！

中小學生資助計劃

中學生有咩揀？
圖片來源

學資處會為屋企有經濟需要嘅中小學生設立資助計劃，計劃分為三種：學校書簿津貼計劃、學生車船津貼計劃以及上網費津貼計劃。

書簿津貼

書簿津貼會為每位合資格嘅學生提供資助，以購買必須嘅書簿同埋文具，津貼金額因應申請學生就讀幾年級有所不同，一般來講年紀越細收到嘅津貼會越高。

車船津貼

如果同學嘅居住地點同學校距離超過10分鐘步行時間以及需要乘搭公共交通工具返學嘅話，就有機會合資格申請車船津貼，車船津貼係以學生在學期間來往居所同埋學校所屬地區嘅平均車船費所計算，每個學生收到嘅金額都唔一樣。

上網費津貼

最後，政府亦會為有經濟需要嘅家庭提供上網費津貼，以支付子女家居上網學習嘅費用，特別留意嘅係上網費津貼以家庭為單位，合資格嘅家庭不論子女人數多寡，將會獲發以家庭為單位嘅定額現金津貼，根據最新數字， 2019/20學年全年嘅全家上網津貼為每個家庭$1,500，半額津貼就係$750。

申請資格

相信嘅計劃都需要學生通過入息審查，學資處會採用「調整後家庭收入」(AFI)機制，以決定申請人嘅資格同埋受資助嘅幅度。調整後家庭收入係咁計嘅：
家庭全年總收入包括左申請人同埋配偶嘅全年收入，以及同申請人家庭同住嘅未婚子女嘅全年總收入嘅30%，以及親友所比嘅津助。家庭成員通常泛指申請人、申請人嘅配偶、與申請人同住嘅未婚子女，以及由申請人或者其配偶所供養嘅父母。留意番，如果係單親家庭而家庭人員數量係二至三名之間，公式中除數既+1將會變為+2 。
調整後家庭收入將會決定你屬於邊一個收入組別，而唔同嘅收入組別會收到唔同幅度嘅資助，根據現時機制，調整後家庭收入為0至$41,568嘅，會獲得全額資助，調整後家庭收入為$41,569至$80,378嘅，會獲得半額資助，調整後家庭收入超過$80,378嘅，則不合資格

專上學生資助計劃

大學生又有咩揀？
圖片來源

Grant VS Loan

如果你係有經濟壓力嘅大專學生，就可以考慮申請政府嘅專上學生資助計劃，即係所謂嘅grant loan。
學生資助計劃分為學費資助 (grant) 同埋低息生活貸款 (loan) 兩個部份，學費資助(grant)係指對象嘅全年學費將會全數由政府提供，唔需要償還，而低息貸款(loan)就係比同學作為生活費嘅貸款，貸款上限為50,000左右，收取大概1%嘅利息。
由於學生資助計劃嘅學費資助(grant)並唔需要償還，佢嘅申請門檻比較高，設有嚴謹嘅入息同埋資產限額，根據現時數字，家庭月收入須低於$34,193，每名家庭成員擁有嘅資產淨額，亦不得高於$229,000，比較適合基層家庭申請，已經置業嘅中產家庭，就比較難通過資產要求。加上申請嘅過程相當繁複，亦要每年應付學資處大量嘅審查，所以同學申請前一定要有心理準備應付唔同嘅行政文件。

總結

如果學生符合資格申請以上任何一項資助計劃，就記得要係相對嘅截止日期之前，填妥表格並連同完整嘅證明文件直接寄返學生資助處。申請人一定要記住詳盡填報資料，否則申請會被延誤，甚至不獲進一步處理！

延伸閱讀：【大學生補習】大學生也離不開補習 (☉д⊙)

此文章純屬 Blogger 個人分享，並不代表本網誌立場。

想追返學校進度？Tutor Circle尋補有超過35,000個三大導師，最快兩小時幫你搵一個優秀既上門導師！

想搵一個合適既私補老師

DSE讀得咁辛苦，想活用知識黎賺下外快？

想搵好多好多私補學生

緊貼尋補 Blog、Facebook同Instagram，想尋補？搵Tutor Circle！

Z世代修辭手法 Ocamp
英文補習上莊中文補習議論文
 slp smaple 補習網數學補習
 大學五件事綜合格式