好多上班族忙住返工，搞到無時間照顧仔女同打理家庭，相信好多家庭都想請返個僱傭幫下手，但係市面上有過百間協助招聘外傭嘅僱傭中心，咁到底要點樣選擇比較專業同優質嘅僱傭公司呢? 今次Tutor Circle尋補就為大家講解下大行同細行嘅優勢，同埋揀僱傭公司嘅方法。

僱傭中心的優勢

一般黎講，香港嘅僱傭公司可以分為兩種類，規模比較小，得一、兩間分店通常叫做「細行」，而連鎖式經營嘅就叫做「大行」，呢兩類僱傭公司都各擅勝場，以下會講下分享下佢地嘅優劣。

圖片來源

連鎖僱傭公司(大行)：

相比起細規模嘅僱傭公司，擁有多間分店以上嘅大型連鎖式僱傭公司大多數都係歷史悠久，佢地嘅優勢係經驗比起細行豐富，而且通常已經建立左良好口碑。另外，因為佢地大多係由集團式管理同經營，所以大型僱傭公司會係海外擁有一支強大嘅中介代理團隊或者培訓中心，好處就係可以提供俾僱主選擇嘅外傭數量都會遠比細規模僱傭公司嘅多好多。另一方面，連鎖式僱傭公司因為資源較為豐富，所以一般佢地都係可以提供到比較全面嘅售後服務，例如為外傭提供培訓同跟進服務等等。當僱主發現外傭嘅工作表現未如理想時，僱傭公司都會跟進及再培訓外傭，令僱主不需要頻頻地更換外傭。

不過老字號僱傭公司嘅劣勢係，部分公司管理同行政制度上存有老化嘅弊病，而且有部分大型僱傭公司在招待問題同要求多多嘅客人態度顯得唔積極，客戶服務水準可能無細規模僱傭中心咁好。

細規模僱傭公司(細行)：

細規模僱傭公司(細行)，通常得一兩間分店，公司制度會比大型彈性同寬鬆，經常會以優惠嘅費用去吸引顧客，而且佢地嘅合約條款比較彈性，會比較遷就客人嘅要求，有求必應。另外，細行為左增加競爭力，經常會推出超平價格或者較短嘅申請時間去招徠顧客，所以細規模僱傭公司會比大型僱傭公司更能滿足客人要求。

不過，細規模僱傭公司最令人擔心就係信心問題，因為佢地嘅質素參差。職員會比起大型僱傭公司少，而且所提供嘅服務都會有限制，未必提供到全面嘅服務，例如跟進及翻譯服務，導致外傭出現適應問題或者工作表現欠佳個時，細規模僱傭公司
往往無能為力。另外，細行通常只會透過海外代理公司挑選女傭，所以外傭質素參差，無大型僱傭公司咁保證，而且可供挑選嘅外傭數目亦會比較少。

圖片來源

僱傭公司牌照查詢

顧客幫襯之前最好事先查詢該公司是否持有香港職業介紹牌照，可登入勞工處職業介紹所網站查詢。

第一步，查詢該公司是否持有香港職業介紹牌照，可登入勞工處職業介紹所專題網站查詢。

第二步，再登入對應國籍領事館網站，或者致電該領事館查詢該僱傭公司是否持有“大牌”:

菲律賓海外勞工部POEA認可的僱傭公司列表
印尼領事館查詢電話：(852) 3651-0200, E-mail : info@cgrihk.com
泰國領事館查詢電話：(852) 2530-2343, 2845-0086
孟加拉領事館查詢電話：(852) 28274278-9, E-mail: bangladt@netvigator.com
如果該僱傭中心在兩個地方都能查詢到，那麼就證明他們是正規的外傭僱傭公司了，可以放心聯繫他們聘請外傭。

想了解更多可以入以下網頁查看。資料來源
圖片來源

總結

如果大家想透過僱傭公司請外傭嘅話，記住要留意佢地嘅優劣啦，兩方面都有好有唔好，最緊要自已去對比多啲僱傭公司。祝大家搵到一間優質嘅僱傭公司為你地招聘一個適合自己嘅外傭啦。

【延伸閱讀】【海外移民】點樣移民去美國？
【延伸閱讀】【海外升學】2020英國大學排名
【延伸閱讀】【海外升學】2020美國大學排名

此文章純屬 Blogger 個人分享，並不代表本網誌立場。

想追返學校進度？Tutor Circle尋補有超過35,000個三大導師，最快兩小時幫你搵一個優秀既上門導師！

想搵一個合適既私補老師

DSE讀得咁辛苦，想活用知識黎賺下外快？

想搵好多好多私補學生

緊貼尋補 Blog、Facebook同Instagram，想尋補？搵Tutor Circle！

Z世代修辭手法 Ocamp
英文補習上莊中文補習議論文
 slp smaple 補習網數學補習
 大學五件事綜合格式