【84校網】區內名校– 大埔舊墟公立學校（寶湖道）

Post author:Estherccy
Post category:學校簡介
Post published:2020-07-09
Post last modified:2020-07-09

講到大埔嘅區內名校，就不得不提大埔舊墟公立學校（寶湖道）。寶湖舊墟出名成績卓越，連課外活動表現亦相當出色，獲獎無數，今日就等Tutor Circle尋補介紹下呢間着重全人發展嘅津小啦！

學校介紹

圖片來源
寶湖舊墟喺2002年由大埔舊墟公立學校有限公司創立，前身為大埔墟公立學校下午校，於2002年10月遷至現址並改行全日制。
校內班級總數為30班，每一級有五班，教學人員總數62人，班師比例約2.07 ，中規中矩。
校內不設測驗，一年舉行三次考試，以多元化形式進行，例如進展性評估、總結性評估、專題研習等等。分班則根據學生學習需要，不設精英班。

教學模式

圖片來源
寶湖舊墟透過閱讀統整各學科課程，培育學生享受閱讀，並能透過廣泛及有深度的閱讀成為有品格、具內涵及自主能力的終身學習者。
另外，學校設有資優課程，包括數學精英培訓班、Book　Club、奧林匹克機械訓練班等四十多項，讓學生發展潛能；又設有輔導課、家長及區本功課輔導、成長飛躍計劃等，輔助學習能力稍遜既同學。

學校特色

學插秧

圖片來源

學校課程重視情意的栽培，每年有12節藝文課，以體驗活動為主，小三學生會赤腳踏泥學插秧，了解農夫工作辛苦。學校有駐場農夫，教導學生分別四季、二十四節氣，並教導佢地取之自然用於自然之道。
學校每年會有一星期既課程統整周，不洗返學，而係透過考察、街訪，製作專題研習，包括以公園設計師身分去考察公園，再構思理想的公園設計。咁樣嘅設計下，小朋友更加能夠進入情景中去學習，對社會同埋其他人嘅需要有更深刻嘅感受，建立主見。
除此以外，寶湖舊墟喺課外活動上亦表現十分出色，係2016年就成功力壓男拔小學，贏得2016 ROBOFEST機械人香港區選拔賽，並代表香港到美國參加國際賽。

升學前景

寶湖舊墟並無聯繫中學，但係派位成績一樣出色，以2019年數據為例，大部份學生獲派英文中學，當初不乏傳統名校例如拔萃男女書院、喇沙中學等。

總結

寶湖舊墟校長強調，文化、藝術就係小朋友成長必須既養分。可以睇得出寶湖舊墟着重全人發展，培育學生整全嘅人文價值同埋具備科學科技素養嘅創新思維，希望小朋友可以突破現有框框嘅家長不妨留意一下！

【延伸閱讀】2020香港BAND1中學最新排名TOP100
【延伸閱讀】【小學名校】一條龍+傳統名校——天神嘉諾撒學校
【延伸閱讀】【小學名校】進取的學校——天主教石鐘山紀念小學

**現在從Blog 下方按鈕轉載到 Tutor Circle 尋補網站，並輸入優惠碼 ”TCBLOG2020“ 即可有$20學費減免，事不宜遲，馬上去搜索適合導師上課吧**

此文章純屬 Blogger 個人分享，並不代表本網誌立場。