【小學英文】唔識睇唔識講 – 小學生點樣學英文？

Post author:Estherccy
Post category:學術資訊
Post published:2020-07-22
Post last modified:2020-07-22

喺香港嘅教育制度下，唔少家長同埋學生都會有一個普遍嘅誤區，我係覺得英文好似數學、物理等等嘅科目，可以透過操練而進步。但係其實退一步講，英文係一門語言，而一門語言係唔可以透過日夜操練而進步嘅，一定要將佢融入生活之中。今日就等Tutor Circle尋補同你一齊睇下，小學英文可以點進步啦！

背Vocab

圖片來源
相信大家都有試過，係小學嘅時候瘋狂背vocab。但係對相信唔少人來講，呢段都係一段痛苦嘅時光。其實，小學生嘅attention span一般來講比較短，要佢哋長時間坐低背生字，除咗欠缺效率之外，更加會令到佢哋討厭呢一門語言，得不償失。

比起不停默書、全字等，其實比小朋友睇一啲簡單嘅英文圖畫書，或者卡通片，更加容易引起佢哋嘅注意力。比起背一啲可能一世都唔會用到嘅高深生字，倒不如學一啲日常生活中會用到嘅簡單詞語。

咁樣小朋友學完之後可以學以致用，唔會一默完書就唔記得點樣串嗰個字。

唔識寫？

圖片來源
好多人都會期望小朋友係小學生時期，就寫得一手流利嘅英文，出口成文。但係其實小朋友欠缺生字嘅根基，一般來講喺香港亦都唔會成日用到英文呢門語言，未必辦法同中文或者廣東話比較。

所以家長一定要合理咁樣調整佢哋嘅期望值，小學二三年班嘅時候其實可以寫到一至兩個完整嘅英文句子已經表現合理。

如果真係想幫小朋友操練英文寫作嘅能力，與其就咁比佢哋睇一句英文嘅題目，用看圖說故事嘅方法可能令到佢哋更加有共鳴，勾起佢哋日常生活中嘅經驗，作文嘅時候亦都會比較得心應手。

死操爛操？

圖片來源
其實好多時，家長都忽視左英文都係語言嘅一種，以學一門語言係唔可以靠死記硬背嘅。更重要嘅係，日常要營造一個英文嘅環境。

當然啦，操練嘅方法一定要配合小朋友嘅學習進度，如果你希望一個七、八歲嘅小朋友日日坐低睇英文新聞，佢哋只會覺得呢門語言非常沉悶，從而產生厭惡嘅情緒。

家長可以揀一啲小朋友鍾意睇嘅卡通片，或者故事書，唔一定要係明顯帶着教育目的嘅影片，一啲日常嘅娛樂都可以，最緊要係令到佢哋明白，英文並唔係一門只有喺學校嘅時候先會用到嘅語言，將英文帶返入去生活，練習機會自然多咗。

總結

總括而言，想小朋友嘅英文好，一定要俾多啲佢哋練習嘅機會，最好嘅方法就係將英文帶入日常生活之中，避免過分操練，咁樣小朋友先容易進步。

【延伸閱讀】【各大院校收生要求2019】究竟入大學有咩要求？
【延伸閱讀】E-App點樣交錢？報完E-App仲洗唔洗報Jupas？
【延伸閱讀】dse計分 – 同分嘅情況下邊位考生會有優勢?

**現在從Blog 下方按鈕轉載到 Tutor Circle 尋補網站，並輸入優惠碼 ”TCBLOG2020“ 即可有$20學費減免，事不宜遲，馬上去搜索適合導師上課吧**

此文章純屬 Blogger 個人分享，並不代表本網誌立場。