【停課不停學】小學網上學習有咩要留意

Post author:Lynette Li
Post category:學術資訊
Post published:2020-09-17
Post last modified:2020-09-17

圖片來源

本地疫情反覆，復課遙遙無期，最新宣布都要去到9月22號先至會慢慢開始復課，復課後都要嚴格執行社交距離，上課時間亦限於半日，相信有排都未會全面恢復面對面上課。喺呢段期間，相信網上學習仍然會係主流嘅學習方式，咁小學生網上學習有啲咩要注意呢？今日就等Tutor Circle尋補為大家整理下啦！

硬件配套

圖片來源

講到網上學習，不可或缺嘅就係相對應嘅硬件配套，市面上嘅電子產品五花八門，家長如果唔清楚乜嘢先至係小朋友最需要嘅，可以參考吓以下嘅分享。

電腦：一般來講，大家屋企都會有最少一部電腦，電腦網上學習當然係比較方便，亦未必需要額外洗多一筆錢，但係要留意嘅係電腦本身有冇web cam，因為有啲學校為咗確保小朋友係專心上課，會要求學生打開鏡頭，所以電腦本身一定要有相對嘅配置。

手提電腦：電腦最唔好嘅地方就係佢係固定嘅，唔可以移動，如果屋企本身人比較多，可能又或者屋企環境本身比較嘈吵，手提電腦可能會係較好嘅選擇，方便學生拎住部電腦係一個比較安靜嘅地方上堂。

iPad：最方便同埋輕便嘅電子產品應該就係iPad啦， iPad比起手提電腦同埋電腦比較便宜，但係要留意嘅係佢本身冇額外嘅實體鍵盤，如果學生交功課嘅時候需要打字，小學生未必可以靈活運用iPad入面本身嘅電子鍵盤，家長可能就要額外配多個俾佢。
**現在從以下banner按鈕轉載到 Tutor Circle 尋補網站，並輸入優惠碼 ”TCBLOG2020“ 即可享$20學費減免，事不宜遲，馬上去搜索適合導師上課吧**

專注上課

圖片來源

無可否認，網上上課比起面對面上課嘅時候，更加難吸引學生嘅注意力，加上小學生本身注意力就比較散漫，長時間望住個屏幕，網上學習互動性又較低，容易聽唔入腦。

家長一定要注意一個誤區，就係唔好覺得小朋友網上學習就係比較輕鬆，因此落堂之後仍然為小朋友添加好多補習或者功課。其實網上學習冇得同老師互動，所花嘅精神反而更加多，家長不妨為小朋友添加多啲休息嘅時間，等小朋友喺網上學習嘅時候可以更加專注。
［延伸閲讀］【2020 IELTS】雅思補習班簡介：如何準備IELTS？
延伸閱讀【通識補習】補習名師選擇 & 話你知溫習小竅門！
延伸閱讀【補習價錢】私人補習價錢2020 – 點先搵到合適嘅私補價錢？

屋企人都要合作

圖片來源

除咗小朋友要打醒十二分精神之外，屋企人都要合作，小學生容易注意力散漫，屋企人就更加要製造一個可以專注嘅環境比小朋友喺屋企上堂。例如小學生喺網上學習嘅時候，屋企人就可以盡量避免睇電視，或者係個廳到行嚟行去，以免唔小心吸引咗小朋友嘅注意力。
延伸閱讀【HKDSE Maths】究竟DSE數學點讀先高分？
延伸閱讀【DSE Maths Cut Off】有效温習大計！
總結
小學網上學習未必係一個最好嘅學習環境，但係疫情下，點都要安全第一，家長要盡力營造一個有利嘅學習環境，比小學生即使網上學習都可以做到停課不停學。

【此文章純屬 Blogger 個人分享，並不代表本網誌立場。】
想追返學校進度？Tutor Circle尋補有超過10000個三大導師，即日幫你搵一個適合既導師！
想找一名合適的家教老師
DSE 讀得咁辛苦，想活用知識黎賺下外快？
想搵好多好多私補學生
緊貼尋補 Blog、Facebook 、 Instagram同 WeChat，尋補？Tutor Circle！

Z世代修辭手法 Ocamp
英文補習上莊中文補習議論文
 slp sample 補習網數學補習
 大學五件事綜合格式