想約朋友去玩，但撞正落雨不知有哪些室內好去處？不管是與朋友Party、情侶拍拖，還是親子活動，有了以下12個室內好去處，就算落雨都不用怕。到底除了觀塘區Party Room仲有咩玩？諗唔到，唔緊要！今日Tutor Circle 尋補嘅小編帶你探索香港的室內好去處，一齊體驗有趣刺激的活動！ 延伸閲讀：【生日好去處2020】臨近生日？盤點2020生日好去處！  延伸閱讀：【香港本地遊】發掘一個不一樣的香港

室內好去處1：大南街咖啡店

首先，小編要介紹大南街咖啡店。唔使小編多講，大家應該都知道深水埗有好多咖啡店？而大南街既咖啡店成為左唔少「文青」嘅聚腳地。小編都好愛大南街嘅咖啡店，因為好多工作坊同埋展覽都可以喺大南街既咖啡店搵到，佢哋亦會提供空間俾顧客去品賞咖啡，同時可以欣賞藝術品。其中比較有出名既openground會集設計書籍、café 同埋藝術展覽於一身，佢哋既理念都好有心意，店主希望可以觸動人的味覺與情緒，喚醒自己既身體。另外，Openground會 系十一月會舉行「一白故事」展覽，透過收錄 100 個陌路人既故事，抽取當中告白，然後變成一本繪本，詳情請參閱此網站。繪本係由本地藝術家製作，簡單的人像線條道出主角的感人故事。如果大家希望自己既身心得到平靜，不妨來呢度嘆杯咖啡，令生活唔好只系聚焦於煩惱同埋工作上，俾自己過一個輕鬆休閒嘅假期！

室內好去處2：室内親子遊樂場 KidzTech

第二，大家成日同小朋友係屋企困獸鬥，係唔係覺得好辛苦、好煩呢？但係小朋友精力旺盛，如果唔帶佢哋出去放下電，各位家長都真係幾辛苦！擇日不如撞日，不如呢個星期帶佢哋嚟黃埔新開既室内親子遊樂場 KidzTech放一放電啦！冇錯，小編要介紹第二個嘅室內好去處係KidzTech。場内不單止可以睇無敵海景，仲有巨型七彩繽紛既繩網陣、3 米高滑梯、大型沙池、遙控車區、野生動物森林區等等，唔好話小朋友啦，就連小編咁大個人，都好想過去玩餐飽！爸爸媽媽更可以帶小朋友去兒童變裝區選擇喜歡的服裝，變身成一日白雪公主、安娜公主、消防員甚至太空人！比較靜態的小朋友可以去 STEM 遊戲角落，可以同爹哋媽咪一齊玩科學遊戲，實行「邊玩邊學」，啟發小朋友嘅思考，或者可以去圖書閣同埋立體積木牆，玩得開心又可以培養小朋友嘅專注力，呢度嘅設施，應該足夠佢哋放電一日，家長可以稍為休息吓，享受休閒嘅假日。小編有一樣野覺得十分欣賞，就係場内設有餐廳同埋咖啡室，家長可以喺咖啡室邊嘆住咖啡，邊睇住小朋友玩。小朋友玩到攰，亦都可以喺餐廳食嘢，補充體力。最緊要系果價錢夠囇實惠，CP值超高，玩足 7 小時都只係 $180 起，十分划算，詳情請參閱此網站。

室內好去處3：SuperPark 室內運動樂園

第三，頭先小編介紹完俾小朋友玩嘅室內樂園，大人係唔係都好想玩埋一份呢？但係，又唔可以玩返頭先小編所講嘅俾小朋友玩嘅樂園，唔緊要！而家就等小編介紹一下就連大人都可以玩嘅室內運動樂園啦！SuperPark於2012年系芬蘭既Vuokatti首度面世後，係香港逐漸擴展其國際版圖，迅速發展。通過遊戲運動既力量，為每一個玩客帶嚟歡樂。小編覺得呢個樂園好方便，因為佢係一站式既室內活動樂園，提供各式各樣遊樂設施，好似攀岩牆、彈跳床、空中滑索、迷你賽車場、幼兒體操區等等，以滿足唔同顧客嘅愛好同埋需要。其中「冒險地帶」嘅設施包括有攀攀岩牆、跳彈床、空中滑索、溜滑梯、腳踏車賽道。如果大家想鍛鍊自己嘅球技，練好擊球絕招，呢度就啱晒你地啦！因為無論棒球、籃球定係高爾夫球，呢度都應有盡有。此外，係自由式殿堂，大家可以盡情反覆練習滑板，接觸滑板運動。如果大家對滑板冇興趣，可以係體操場練習，訓練柔軟度，係一個好地方俾你大展身手同埋爆汗！詳情請參閱此網站。

室內好去處4：黑暗中對話

第四個室內好去處就係黑暗中對話，源自於德國的社企，原意是促進視障人士福祉，令其他人可以親身理解視障人士嘅需要同埋生活，以達至傷健共融。黑暗中對話旅程分為5個體驗區，小編係小學嘅時候都有去過，我覺得呢一個活動好有意義，因為大家可以系視障員工的協助下，去感受佢哋嘅世界，同埋日常生活中面對嘅困難。除了一般體驗，遊客也可以選擇在黑暗中享用神秘晚餐，利用視覺以外的感官，細意品嘗、用心感受食物的真味。平時，小編相信大部份人係食飯嘅時候淨係對住部手機或者iPad，好難去感受食物既真正味道，不如趁住呢個機會，同朋友一齊體驗黑暗中嘅旅程，為2020年創造不一樣嘅經歷。與此同時，社企還提供「暗中生日會」，在漆黑一片當中進行生日切餅儀式，俾參加者享用一個愉快並且難忘的生日回憶。究竟係點呢？會唔會切唔到餅㗎？呢個就要等你哋去拆解啦！最後，體驗館亦提供「出雙入對」情人節之旅，可以讓情侶重新認識對方，就算看不見容貌，都可以透過聲音找到對方，平時有咩唔敢同情侶講，趁住見唔到大家個樣，就大聲講自己嘅感受啦！所以不論對親子還是情侶來說，黑暗中對話都是個室內好去處，詳情請參閱此網站。 延伸閲讀：【香港staycation】香港Staycation優惠真係咁抵玩?千靚蚊喺酒店玩返晚兼食埋buffet？  延伸閲讀：【staycation】酒店大推staycation! $1000 住五星級酒店？ 

室內好去處5：AME運動電競館

第五，全港首個集運動和電競元素於一身的室內活動主題競技館（ AME運動電競館），將於9月23日起開放至2021年6月30日！體驗館十分大，肯定有充足嘅空間去比每一位參加者盡情玩樂，因為佢有3400呎，而每位入場既參加者都要先度高磅，以方便重創建個人虛擬角色，然後大家可以系手機查看自己消耗咗幾多熱量！你哋肯定覺得體驗館需要大家搵埋三五知己，一齊去玩，先比入場，係唔係呢？咁你哋就大錯特錯啦！遊戲方面，大家可選擇以個人出賽、合力上場或競賽形式遊玩，每次玩的時候都需要佩戴上運動偵測心跳手環場館內的 5 大運動電競項目，分別是「E-Skiing」、「E-Boxing」、「E-Rowing」、「E-Cycling」及「E-Racing」，簡直同健身環變奏版冇分別，其中划艇及單車體驗遊戲，可以取得加速道具，超越對手，非常刺激，而且大家可以一邊玩耍，一邊發掘香港景色，因為遊戲中加入了多個風景。另外，各位還可以透過卡路里的消耗量，計算 GG Coin， 兌換心儀禮品，詳情請參閱此網站。如果大家想達到減肥目標，但係又唔想淨係係屋企做瑜伽，或者落街跑步咁dry,，不如嚟體驗館一齊玩啦！

室內好去處6：元朗小白兔農莊

最後要介紹嘅室內好去處係元朗小白兔農莊，不單止可以觀察小動物，仲可以帶小朋友參加不同種類嘅手作活動，讓孩子可以自由發揮藝術潛能，同時能夠增進親子感情！就算冇小朋友都唔緊要，可以自己嚟，舒緩身心，呼吸新鮮空氣。雖然農莊每天有多個工作坊，但係內容不定，所以小編都唔可以好確實同你地講究竟農莊每日會舉辦咩工作坊，不過，農莊有好多小食工作坊，好似Pizza蕃茄杯、朱古力布朗尼、蛋撻、賓尼芝味杯等，大家都可以親手自己整小食。呢度可以滿足你玩、食、拎三個願望， 真系冇去過都對唔住自己！詳情請參閱此網站。 延伸閲讀：【Re U 好去處】快啲約齊你嘅ocampmate嚟個Re U啦  延伸閲讀：【室內好去處】香港 – 落雨不怕，落雪也不怕?

室內好去處7：桌球／保齡球

唔知大家有無睇過《桌球天王》就算你無倚天cue，甚至唔識「篤波」都好，同三五知己一齊玩下都係一個考眼力、鬥智慧、比腕力嘅好遊戲，簡單易上手之餘，更加可以同朋友一齊玩。至於保齡球都係好似桌球咁，都係簡簡單單但又好好玩！

室內好去處8：Board game

講起board game，大家都可能淨係識，「大富翁」同「三國殺」，但其實，每年都有唔同嘅新board game，係外國仲有屬於board game嘅展覽。係香港，雖然board game無咁流行，但其實都有好多志同道合嘅開網上群組一齊玩，係唔同地區亦都唔難發現board game舖嘅蹤影。各位不妨去呢啲舖頭試玩，如果岩玩更加可以買走番屋企玩！

室內好去處9：行博物館

好多人將博物館同悶掛上等號，但其實博物館都有好少見又有趣嘅事物。有啲更加同我地嘅生活息息相關！例如上年年尾香港文化博物館就同迪士尼彼思合作，展覽《怪獸公司》、《反斗奇兵》及《玩轉腦朋友》等相關展品！而其實香港仲有好多其他博物館等待大家發掘架！

室內好去處10：樓上cafe

講起飲野好多人會去連鎖Cafe，但係其實係落雨果陣，一個人靜靜地帶本書係樓上cafe一路享受飲品，一路慢慢閱讀、慢慢思考，而休息果陣又可以欣賞雨景。呢種慢活同埋閒情逸緻可以令自己係快節奏嘅香港好好放鬆一下。

室內好去處11：溜冰

溜冰都係老少咸宜嘅活動，無論係同屋企人，定係朋友都好，都可以一齊係溜冰場上盡情飛馳，展現活力。除左自己落場玩之外，更加有機會可以觀摩溜冰高手精彩嘅花式動作，係視覺享受一下。而渾灑完汗水之後，可以順便一班人一齊行商場購物同埋食好西。

室內好去處12：荃灣「地上街」

係日本，唔單只係地上購物，連地下都係去係地下街到買野，可以話係日本嘅地下樂園。如果你想落雨堅持行街嘅話，又唔想困係一個商場嘅話呢。係香港，雖然無地下街，但係係荃灣形形色色嘅商場係行人天橋之間互相連接，大商場有荃新天地、細商場都有好多個；入面有賣小食嘅；亦都有賣衫嘅，甚至可以影貼紙相同埋扭蛋添！

總結

總括而言，好唔容易疫情稍為緩和，又臨近聖誕，不如大家趁機會約埋三五知己，一齊去呢啲室內熱點打卡，享受愉快嘅週末啦！其實，香港仲有好多得意嘅室內體驗空間。如果大家得閒，發掘香港唔同嘅好去處，都係一個唔錯嘅選擇。就算放假先嚟落雨，都唔使覺得掃興，因為大把室內活動等住你哋。不過，大家尋寶還尋寶，要記住帶返個口罩，盡量同其他人保持返距離，避免感染，做一個為己為人嘅好巿民，同時亦都係保護返自己既健康。 資料引用/摘錄：hk.trip.com，handler.travel 延伸閱讀： 【香港特色景點】隱世、浪漫、至UPDATE文青景點 【週末好去處】唔想再行商場？覺得好悶？Tutor Circle 帶你探索週末好去處 【尖沙咀美食】2021必食餐廳攻略！ 5大午餐晚餐誠意推介 【灣仔美食】2021灣仔必食餐廳推介：多國美食 中日越都有！ *此文章由 Blogger個人／編輯團隊 分享並僅供參考，意見及內容並不代表本網誌立場，Tutor Circle 尋補 對信息或內容所招至的損失或損害，不會承擔任何責任。

尋補？Tutor Circle！

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

留言