英文中學，English as Medium of Instruction School，英中，EMI…英文中學，顧名思義就係所有以英語為主要教學語言的中學。但係唔講你唔知，原來2010年9月「微調中學教學語言」政策實施後，香港嘅中學實際上已經無分英中同中中，但坊間同傳媒仍然成日用英中、中中嚟分別香港嘅中學。英中俾人嘅感覺上學生嘅成績普遍都比較好，到底係咪真㗎呢？就等英中畢業嘅Tutor Circle尋補筆者同你闢謠啦。
圖片來源

 

英中真係全部科目都用英文上堂？

獲教育局批准以英文授課的公營中學，除中國語文、中國文學、中國歷史等中國文化相關科目外，其它科目都需要用英文編寫嘅課本同note，課堂上老師亦需要以全英文講課。一啲特殊情形則可酌情處理，例如宗教科、術科、商科及工科等。學校如果唔使用《指引》規定嘅教學語言授課，係違規㗎。不過咁，老師為咗令學生容易啲理解課堂內容，有時都會用中文做補充嘅（你懂的）。但係平時學校早會、做宣佈等等就真係會用全英文溝通啦。普通課餘時候，同學同老師嘅對話就無強制語言啦。

英中學生成績真係勁啲？

整體黎講，英中學生嘅英文水平會比中中嘅學生高啲，因為佢哋日常接觸英文嘅機會比中中嘅學生多，加上大部份英中都會聘請至少一名NET（Native English Teacher），訓練學生嘅英文會話同埋同外國人溝通嘅膽量同習慣，自然習慣使用英文多啲啦。但係講到其他科嘅成績嘅，每間學校都會有叻同無咁叻嘅學生，成績唔好嘅同學係英中都大有人在…所以簡單嚟講，英中學生嘅英文科成績真係普遍比中中嘅同學仔好，但係其他學科就要視乎學校嘅師資同學生嘅天份啦。仲有一個對英中好常見嘅誤解就係覺得英中全部都係Band1 啦。事實上，大部分Band1都係英中，但係就唔係所有英中都係Band1。
圖片來源
 

全港18區邊幾區最多英中？

升學及學校資訊平台SCHOOLAND.HK顯示係2019年，全港18區總共有177間英中，而當中最多英中嘅區就係沙田區啦，有成21間咁多，其次嘅係九龍城，都有15間㗎。而傳統名校就絕大多數都係英中嚟嘅，普遍集中係港島區。其中中西區嘅9間英中更加全部都係傳統名校，想效法孟母三遷嘅爸爸媽媽就要留心啦。

圖片來源

英中學校入面競爭好大？

Band1頭嘅英中競爭都真係幾大架，特別係高中，個個都想入大學，有時到淨係難免會攞自己嘅成績同同學比較。正面啲睇可以話係良性競爭，同學之間互相勉勵，互相鞭策；但係有時都會令到自己壓力幾大架。所以，學生自己嘅心理質素真係好重要。

總結

總括而言，英中、中中，其實都只係一間學校，學生嘅成績好唔好最重要嘅都係師資同埋學生自己嘅努力。希望無論讀係中中或者係英中嘅你都可以好好享受呢6年嘅中學時光，好好讀書，識到一班一生一世嘅好朋友。
 
【延伸閱讀】IB課程需唔需要補習？
【延伸閱讀】IB學校一覽
【延伸閱讀】提升物理成績的絕招——適合的補習老師
 
此文章純屬 Blogger 個人分享，並不代表本網誌立場。

想追返學校進度？Tutor Circle尋補有超過10,000個三大導師，即日幫你搵一個合適既導師！

想搵 一個合適既私補老師

DSE讀得咁辛苦，想活用知識黎賺下外快？

想搵 好多好多私補學生

緊貼尋補 Blog、Facebook 同 Instagram，尋補？Tutor Circle！
 
Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

尋補？Tutor Circle！

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

傻人一名

我係科大畢業嘅傻仔一名，鍾意砌CODE。

留言