【番禺會所華仁小學】品學發展家校合作雙軌並行

番禺會所華仁小學係一所天主教男校，由旅港番禺會所，係1971年開辦。華小以基督嘅愛為根，以禮、仁、勤、信為校訓，希望培養學生成為有愛心，樂於尊重別人，能掌握知識同道德判斷能力，積極回饋社會嘅人，並使學生能在愉快嘅學習氣氛下成長。作為香港其中一間出名嘅傳統男校，到底華仁小學有咩特色呢？想知多啲就同我哋TutorCircle 尋補嘅筆者一齊研究下啦。
封面圖片來源

對教師，學生，以至家長嘅期望

1_n.jpg (300×400)

圖片來源

同一般學校唔同，華仁小學分別列出咗佢哋對學校老師，學生同埋家長嘅唔同特質嘅期望。

係學術方面，華仁小學期望老師係維持優良嘅教學水平嘅同時可以支援學生嘅全人發展，將愉快帶入學習中，設計能令學生經驗學習樂趣嘅課堂同埋課業，將「依納爵教學法」嘅五個元素（即學生嘅背景脈絡、經驗、反省、行動及檢討）融入教學當中，並推行跨學科學習，引導學生係認識真理嘅道路上不斷進步。
學生方面，華仁小學希望佢哋嘅學生可以對事物抱持好奇嘅求知態度同埋係學習過程中善於運用想像力，精通各個學科嘅知識，具備邏輯性同埋批判性思維以及反思能力，並發展體藝方面嘅潛能。
而家長方面，學校則希望家長可以鼓勵兒子係學術同埋非學術方面嘅範疇都有均衡發展，並陪伴，鼓勵兒子閱讀。同時，係重視學習知識同埋技能之餘，亦不忽略品格培育。
images (276×183)

圖片來源

係品行方面，華仁小學期望老師能夠尊重每一位學生嘅價值，讓學生感受到老師嘅關懷同埋愛護，並透過集體或個別嘅照顧方式關懷學生。此外，老師亦應提醒學生不應以功利主義為處世之道，以同理心同埋慈悲心對待每一個人，成為學生嘅典範。同時，學校亦希望老師能掌握社會與道德價值有關嘅客觀現況，透過反思經驗，培養學生相關批判性分析能力、判斷能力同埋認知，並正視辨識各種偏見同成見，努力克服。
學生方面，華小一樣希望學生可以做到以禮待人，慷慨付出，能以同理心同埋慈悲心對待他人，以及尊重大自然同埋愛護環境。華小亦希望學生可以願意為公平正義而委身，對社會上與道德價值有關嘅主要政策同埋情況有清楚認識，誠實正直地生活，
家長方面，學校希望家長可以以身作則，履行對兒子同埋配偶所作出嘅承諾，誠實地與家人溝通，
教導兒子以同理心，慈悲心對待家人、同學、父母以至社會上有需要嘅人，並成為兒子嘅典範。同時，給予兒子接觸同尊重大自然嘅機會，係家庭生活中實踐節能、回收同埋唔浪費等愛護環境嘅嘅措施。