【聖士提反書院附屬小學】Work Hard Play Hard

聖士提反書院附屬小學係一間私立基督教男女校，全年學費約 $86,500，於一九三八年正式投入教育行列，銜接中、小學教育課程。直至二千年，校方進行教學改革，重新規劃課程，加強兩文三語訓練，著重培育學生獨立思考、自主學習。二零一六年，學校再次進行擴建工程。一座集演講廳、圖書館、溫室及教員室於一身嘅新教學大樓正式落成啟用。學校亦計劃於二零二一年全面擴至二十四班，希望為瞬息萬變嘅世界培育品學兼備嘅明日領袖。一連串跟隨時代而進化嘅教學配套，加上聖士提反書院可為小學部保留最多 85% 嘅學位，令聖士提反書院附屬小學成為城中唔少城中父母嘅心頭好。所以，今天筆者就打算係TutorCircle 尋補同大家睇下更多有關聖士提反書院附屬小學St. Stephen’s College Preparatory School (SSCPS)嘅特色。
封面圖片來源

家長之間對學校嘅評價

nm_b5f2a0.jpg (533×300)
圖片來源
相信各位睇緊呢一篇文嘅讀者唔多唔少都想知聖士提反小學嘅在學家長對呢間小學有咩評價。因此，筆者係到幫大家做咗少少online research，以下列出部分在學家長嘅評價。留意以下評價並唔代表我哋TutorCircle 尋補嘅立場架。

課程偏淺??

20140407gp05y.jpg (450×377)
圖片來源
家長1：小朋友讀緊，讀得幾開心，考試功課亦可以輕鬆應付。但係覺得學校課程較淺，驚唔夠競爭力，唔知道考唔考到出面嘅學校

學生歸屬感強，大多原校升讀聖士提反書院

1416246983127_AD5E6F431B57E331235BFAB5EDEF639F.jpg (630×420)
圖片來源
家長2：因為SSC係直資中學，小學好少家長會放棄學位去派位，唔直升o既，多數係去國際學校或其他直資，亦有出國o既。

家長3：學校透明度高，你去website 已經可以睇到每日每級既功課量、課外活動、考試安排、校外比賽、師資、課程設計、視學報告等大量資料。再加上問下現時既家長，你應該感受到點解學校會受歡迎。聖士提反好多學生都係兄弟姐妹甚至父母都係畢業生，絕大部分都會直升書院，所以對學校歸屬感好強。加上六年級既寄宿安排，除左訓練獨立外亦令同學們感情好好，呢d都唔係好多學校比到既。雖然到中學，好多同學包括好多成績好既會去左外國留學，但轉左做直資後學校公開試成績越來越好，絕對係一間band 1中學。所以經濟能力負擔到，我會選擇一間讀得開心，有balance life 而又有band 1中學backup 既學校。

家長4：我都認同ssc學生對學校歸屬感好強，尤其係同住多年嘅宿生，但當年作為「插班生」，我只感覺學生自我保護意識太強，排外性仲強！唔知關唔關ssc地處偏遠，附近又無其他學校，在毫無競爭／比較意識底下成長，自然無視其他學校。令我最為深刻係，當年來自全港各所名牌學校（有齊各位家長趨之若鶩嘅1a英中）嘅轉校生，因有著各所舊校的聯繫，提議大量舉辦交流活動如oral practice（心諗：joint school活動是常識吧?!?!），點知反應冷淡，學生亳不感興趣！我歸咎依個都係ssc學術成績參差嘅最大原因！

Work Hard Play Hard!!

a1_40K_School.jpg (1000×656)
圖片來源
家長4：假如各位經濟能力好，可以負擔子女到外地升學，想讓孩子快樂成長嘅話，sscps > ssc係好好嘅選擇，因為全校上下確實同校歌一樣「our hearts are young our ideals high, we are prepared to work and PLAY」，玩到爆！

寄宿課程

圖片來源
為期一年嘅寄宿課程係六年級學生必修課程。SSSCPS將課堂教學同寄宿生活課程融合為一，成為全人教育。學生透過寄宿生活，建立朋輩間嘅友誼同埋對師長的嘅信任係推動他們享受學習過程嘅一大動力，呢個亦都係協助他們適應中學階段嘅關鍵之一。課程主要分為四個訓練領域：「生活技能訓練」、「社會服務」、「個人管理」同埋「體藝薰陶」。校方希望透過上列活動，培養學生成為一個可獨立思考，獨立生活、自律、上進而富氣質嘅年青人。無論他們係喺小學畢業後到海外升學，定係留港就讀，都可以適應到新嘅學習階段，將學習伸延、發展，將潛能發揮至極限。

學校聯絡資料

地址：香港赤柱黃麻角道30-32號
電話： 28130272 傳真：28137401
電郵： info@sscps.edu.hk
網址： http://www.sscps.edu.hk

總結

係云云名校之中，比學生work hard play hard 嘅學校真係買少見少。SSSPC 係提供最好嘅教育俾學生嘅同時亦都明白比學生一個快樂童年嘅重要性。所以，如果各位家長銀包夠厚嘅話，聖士提反書院附屬小學SSSPC絕對係一個好選擇。

【延伸閱讀】雲集最頂尖的精英：五個入讀拔萃女書院的原因
【延伸閱讀】「孩子可能沒有食物敏感，而是對塵蟎過敏。」拆解三個食物敏感測試的謬誤
【延伸閱讀】【讀普教小學有乜用？】蘇浙小學的堅持

**現在從Blog 下方按鈕轉載到 Tutor Circle 尋補網站，並輸入優惠碼 ”TCBLOG2020“ 即可有$20學費減免，事不宜遲，馬上去搜索適合導師上課吧**

此文章純屬 Blogger 個人分享，並不代表本網誌立場。